«Nochi yej ijkuilijtoʼ pan Biblia inó̱n itajto̱l Dios.» (2 Timoteo 3:16, Biblia en Lenguaje Sencillo.)

Tikasiskej tajto̱lkuepalis de tajtanilis yej timochi̱wiliáj pan toisatolis (Proverbios 2:1-5).

Timomachtiskej kén welij tinemij ye̱kti (Salmo 119:105).

Te̱ne̱xtilis ke welij tikpiáj isatolis iga nochipa (Romanos 15:4).

Kena, matikitakan e̱yi tejté̱:

• Itajto̱l Dios kipiá se̱san tajla̱mikilis. Cuarenta tajta̱gamej kijkuilojkej Itajto̱l Dios pan mil seiscientos xiwiʼ. Komatimej de ini̱nmej nike̱man amoi̱xmatikej, pero iní̱n ayá̱ kichij iga matajto de sejseuʼpa tajla̱mikilis, sinoke pan nochi Biblia tajtowa de ito̱ka̱ Dios wan Irreinoj.

• Yej kijkuilojkej Biblia kijtojkej nochi ken melaʼ panoj. Komatimej yej kijkuilowaj a̱matajkuilo̱l ayá̱ kijtowaj ke̱man seuʼ a̱ltepe̱ʼ kita̱niliáj ia̱ltepe̱mej, kijtowaj ke̱mansán tataniáj. Pero yej kijkuilojkej Itajto̱l Dios ayá̱ ki̱ya̱nakej nité̱ yej aye̱kti yej yejeme̱n kichijkej niga kuaʼ ia̱ltepe̱ʼ kichijkej tejté̱ yej aye̱kti (2 Crónicas 36:15, 16; Salmo 51:1-4).

• Nochi yej kijtoj pan Biblia ke mochi̱waskiá ijkó̱n mochij. Doscientos xiwiʼ achto iga mapoliwi a̱ltepe̱ʼ Babilonia, Itajto̱l Dios kijtójkaya iga poliwiskiá (Isaías 13:17-22). Wan ayá̱san kijtoj kén poliwiskiá iní̱n a̱ltepe̱ʼ, sinoke kijtoj a̱ʼyéj kichi̱waskiá (Isaías 45:1-3).

  Seuʼmej tejté̱ yej kijtoj Itajto̱l Dios ke mochi̱waskiá ijkó̱n mochij. ¿Melá̱ iga inó̱n tikcháj de Itajto̱l Dios? (2 Pedro 1:21.)