ӶЛАВА 35

Сар тэ авэс лэ Дэвлэско друӷо?

Посли кода, сар кай о Джереми тердяпэ бида, во поля, со важ лэстэ значит и дружба лэ Дэвлэса. Во росԥэндя: «Кала манди сас 12 бэрш, о дад ашадя амэн. Еқвар и рят андэ молитва мэ фартэ мангавас Иеговас тэ рий лэс цэрэ».

Кала по ди кай о Джереми сас фартэ ԥарэс, во ля андэ вас и Библия. Кала во проадиносардя о Псалом 10:14, лэстэ пэрэхутилдя о фано. Андэ кадэва стихо пала Иегова ԥэнэнаспэ: «Каринг тутэ взвийпэ кодэва, ко умэкля и вас. Ту поможыс кодэлэсти, ко ашэляпэ би дадэско». О Джереми ԥэнэн: «Мэ полэм, кай о Иегова взвийпэ лично каринг мандэ. Во дэл манди тэ полав, кай акана во мэрно помошнико и мэрно Дад. Када со май лашо дад, саво кати можэт мандэ тэ авэл!»

 МОЖЭТ, тири ситуацыя шолпэ пэ кода, со пэрэжудя о Джереми, ай можэт и най. Но всаек, о Иегова камэл, кай ту тэ авэс лэско друӷо. Андэ Библия ԥэнэнпэ: «Авэн май пашэ каринг о Дэл, и во пашола каринг тумэндэ» (Иакова 4:8). Погиндосар, со када сыкавэл. Хоть ту и на диқэс лэ Иеговас, и во, канешно жэ, най тиро ровэснико, во камэл, кай ту тэ авэс лэско друӷо!

Но, кай тэ ашэс лэ Дэвлэско друӷо, трэбуй варисо тэ стерэс. Представь, ту посадисардян цэрэ цвито. Если пала лэстэ тэ на диқэс, например, тэ на шос паи и удобрения, тоди во на лэла тэ барёл, и дажэ хындёла. Када жэ можно тэ ԥэнас и пала дружба лэ Дэвлэса. Со тути трэбуй тэ терэс, кай тэ ашэс лэ Дэвлэско друӷо?

Важно тэ изучаеш и Библия

Важ и дружба важно, кай кала и друӷоря общяюца, вонэ тэ дэн дума ек еқэса и тэ ашунэн ек еқэс. Кадя жэ и андэ дружба лэ Дэвлэса. Амэ ашунас, со амэнди камэл тэ ԥэнэн о Дэл, кала адиносарас и изучаем и Библия (Псалом 1:2, 3).

 Ай со, если тути най фартэ чалёл тэ адинос и тэ изучаеш варисо? Можэт, тути май фартэ камэлпэ тэ диқэс о телевизоро или тэ проандярэс и время лэ друӷонэнца. Но па аврятэ нисар нэ получица тэ ашэс лэ Дэвлэско друӷо. Трэбуй тэ ашунэс лэс, ай важ када адиносар и изучай лэско Алав.

И нэ пэрэжывай, тэ изучаеш и Библия найԥарэс. Дажэ если ту най фартэ любис тэ адинос, кала ту лэса тэ изучаеш, када анэна тути радость. Спэрва витидэ время важ и изучения. Акэ со росԥэнэн ек тэрни манушни, савя ақарэн Лайш: «Мандэ исин ӷрафико. Кажно дес тэсара мэ адиносарав ек ӷлава анда Библия». Ай кай и Мария, савяти 15 бэрш, авэр ӷрафико. Вой ԥэнэн: «Вся и время англа кода, сар тэ пэрав тэ совав, мэ набут адиносарав анда Библия».

Англа кода, сар тэ лэс тэ адинос и Библия па ӷрафико, дик и  рамка пэ страница 292. Май тэлэ пистросар, андэ сави время ту моӷ бы тэ изучаеш и Библия варикай 30 минут.

․․․․․

 О ӷрафико, када инке най вся. Кала ту лэса тэ изучаеш, ту полэса, кай и Библия най вся и время вушэро тэ адинос. Можэт, ту ԥэнэса кода жэ, со и о Джезриело, савэсти 11 бэрш. Во ԥэнэн: «Дэкала и Библия най фартэ интересно и ла ԥарэс тэ адинос». Но на умэк и вас. Дик пэ изучения, сар пэ возможность тэ ашунэс пэстирэ друӷос, лэ Дэвлэс лэ Иеговас. Кати тутар зависит, пэскати и изучения тути авэла интересно и анэна лашимос!

Важно тэ мангэспэ

И молитва, када дума лэ Дэвлэса. Кати погиндосар, сави нэобычно возможность подарисардя тути о Дэл! Ту можэш тэ мангэспэ андэ любо время. О Дэл Иегова всегда ӷотово тут тэ виашунэл. Во дажэ камэл када. Важ када андэ Библия пистромэ: «Важ вся росԥэнэн лэ Дэвлэсти андэ молитва и анда вся оди мангэн и блаӷодарин лэс» (Филиппийцам 4:6).

Сар дицол анда кадэва стихо, лэ Иеговасти можно бут со тэ росԥэнэс. Када моӷут тэ авэн тирэ проблемы и пэрэжывании. Лэ Дэвлэс кадяжэ можно бут пала со тэ блаӷодарис. Если тиро друӷо стерэла важ тутэ варисо лашо, хэба ту на ԥэнэса лэсти наис? Но ни ек друӷо никала на стерэла важ тутэ кадя бут, скати терэл о Иегова. Хэба нэ трэбуй анда вся оди тэ поблаӷодарис лэс? (Псалом 106:1).

Май тэлэ пистросар, важ со ту блаӷодарно лэ Иеговасти.

․․․․․

 Канешно, дэкала тутэ можэт тэ авэл дар и пэрэжывании. Андо Псалом 55:22 ԥэнэнпэ: «Отдэ пэско ԥаримос лэ Иеговасти, и во поможыя тути. Во никала на дэла тэ пэрэл кодэлэсти, ко кандэл лэс».

 Погиндосар, пала савэ пэрэжывании ту спэрва камлоп тэ мангэспэ.

․․․․․

О Дэл исин андэ тири жызня

Важ и дружба лэ Дэвлэса трэбуй инке акэ со. О псалмопевцо Давидо пистросардя: «Уӷанэн лэ Иеговас и полэн, саво во дэ добро» (Псалом 34:8). Англа кода, сар о Давидо пистросардя о 34 Псалом, сас най ек маменто, кала во моӷ тэ хасарэл и жызня. О царё Сауло приԥэндя, кай лэ Давидос тэ умарэн. И лэсти прижыляпэ тэ гарадёл машкар филистимляноря, савэ сас враӷоря. Кала лэс камэнас тэ умарэн, во притердяпэ дилорэса и спасысайля (1 Самуила 21:10—15).

Но о Давидо на гиндояс, кай во спасысайля блаӷодаря пэсти. Во диқэлас андэ када лэ Дэвлэско вас. Андэ кодэва жэ Псалом во пистросардя: «Мэ манглэм лэ Иеговас и во дя атвето манди. Во спасысардя ман всаворэстар, состар мэ дарав» (Псалом 34:4). О Давидо диқля, кай о Дэл исин андэ лэстири жызня, и важ када во моӷ тэ ԥэнэн аврэнди: «Уӷанэн лэ Иеговас и полэн, саво во дэ добро».

Можэш ту тэ сгиндос о случаё, кала о Иегова позаботисайля пала тутэ? Пистросар пала када май тэлэ. Нэ обязательно, кай када тэ авэл варисо нэобычно. Можэт, када варисо, со исин тутэ кажно дес, кода, пала со ту гиндос, кай када кадя и трэбуй.

․․․․․

Можэт, о чачимос анда Библия ту уӷанглян лэ родителёнэндар. Если кадя, тоди цэнисар када. Но на бистэр, кай ту екжэно трэбуй тэ пристос зор, кай тэ авэс лэ Дэвлэстирэ друӷоса. Кадэя ӷлава поможыя тути тэ стерэс пэрво шаӷо. Ай о Иегова блаӷословия тут андэ када. Андэ Библия ԥэнэнпэ: «На парашэн тэ мангэн и тумэнди дэла о Дэл, на парашэн тэ родэн и арақэна» (Матфея 7:7).

ПАЛА КАДЭЯ ТЕМА КАДЯЖЭ ПИСТРОМЭ АНДЭ 38 И 39 ӶЛАВА, АНДО ПЭРВО ТОМО

 АНДЭ АВЭР ӶЛАВА

Вушэро тути тэ дэс дума лэ манушэнца пала Дэл? Уӷан, сар тэ зашоспэ пала кода, андэр со ту патяс.

ӶЛАВНО СТИХО АНДА БИБЛИЯ

“Бахталэ, ко полэн, кай лэнди трэбуй о Дэл”. Матфея 5:3

СОВЕТО

Кажно дес адиносар и Библия варикай по штар страницы, и через бэршэстэ ту ла проадиноса.

АЙ ТУ ӶАНЭС...

Если ту адинос кадэя книжка и прилэс библейски советоря, савэ андэр латэ пистромэ, када сыкавэл, кай о Иегова шол сама лично пэр тутэ (Иоанна 6:44).

СО МЭ МОӶУ ТЭ ТЕРАВ?

Кай май бут тэ сытював пэ лично изучения, мэ... ․․․․․

Кай тэ на бистрав тэ мангавпэ, мэ... ․․․․․

Вопросоря, савэ мэ камав тэ задав лэ родителёнэнди... ․․․․․

САР ПА ТИРЯТЭ?

● Со тэ стерэс, кай тути тэ авэл май интересно тэ изучаеш и Библия?

● Васо о Иегова камэл тэ ашунэл лэ ӷрешнонэ манушэндирэ молитвы?

● Со можно тэ стерэс, кай тирэ молитвы тэ авэн май лашэ?

[Вставка, страница 291

“Варикала андэ пэстирэ молитвы мэ ԥэнавас ек и ек. Ай акана мэ старысавав тэ росԥэнав лэ Иеговасти, саво лашимос и найлашимос мандэ сас важ о дес. Кажно дес прожал по разному, важ када андэ молитвы мэ на дав дума пала ек и ек’’. Эва

 [Рамка/Картинка, страница 292]

 Залэ тэ изучаеш и Библия

1. Витидэ, со ту камэс тэ проадинос андэ Библия. Манг кай о Иегова мудрость, кай тэ полэс кода, со лэса тэ адинос.

2. Проадиносар внимательно. На грабисав. Погиндосар и представь, кай ту находиспэ андэ кодэя время. Старысав тэ додиқэс кода, со адинос. Тэ ашунэс и ӷолосоря, тэ почуствуеш и запахоря, тэ полэс о вкусо и авэр. Мэк кода, со ту адинос, важ тутэ авэла кадя, ԥэнэса, када терэлпэ акана!

3. Погиндосар пала кода, со проадиносардян. Задэ пэсти кацавэ вопросоря.

● Васо о Иегова закамля, кай пала када тэ авэл пистромэ андэ Библия?

● Кастирэ примероря запистромэ, кай мэ тэ сытював тэ терав кадя жэ, ай кастирэ примероря сытярэн тэ фэрисавав лэ найлашимастар?

● Со анда кода, со проадиносардэм, мэ моӷу тэ прилав андэ пэстири жызня?

● Со мэ уӷанглэм пала Иегова и пала кода, сар во андярэл пэс андэ разни ситуацыи?

4. Коротко мангпэ лэ Иеговасти. Ԥэн лэсти, со ту уӷанглян, кала изучал и Библия, и сар ту камэс тэ прилэс када андэ пэстири жызня. На бистэр тэ поблаӷодарис лэ Иеговас важ лэско кучутно подарко, саво во тути дя, важ лэско Алав, и Библия!

[Картинка]

“Тиро алав, када светильнико важ мэрно пэрно и вудуд важ мэрно дром”. Псалом 119:105

[Рамка/Картинка, страница 294]

Спэрва и бара, потом о чишай

Найкала тэ мангэспэ? Нинай время изучать? Вопросо андэ кода, со важ тутэ май важно.

Стер эксперименто. Стов барэ бара андэ вадрица. О шушо ҭан, саво ашэляпэ, зашув лэ чишаеса жы кай о краё. Акана тутэ вадрица, андэ сави поместисайлэ и бара, и о чишай.

Полокэс вишу вся анда вадрица и упалэ ԥэр ла. Но акана па аврятэ, спэрва о чишай, ай потом и бара. Со, на поместинпэ и бара? Када важ кода, кай ту шутян спэрва о чишай.

Со анда када можно тэ полас? И Библия дэл совето, кай амэ тэ полас, «со май важно всаворэстар» (Филиппийцам 1:10). Если спэрва тэ шос «о чишай», например, спэрва тэ отцыёс, тоди на ашэлапэ время пэ дила важ о Дэл. Если жэ ту полэс, со май важно всаворэстар, андэ тири жызня авэла время и важ лэ Дэвлэско Царство, и кай тэ отцыёс. Вся зависит кодэлэстар, со спэрва ту стоса андэ вадрица!

[Картинка, страница 290]

И дружба лэ Дэвлэса шолпэ по цвито. Пала латэ трэбуй тэ заботиспэ, и тоди вой барёла