‘धन्य उहे आहिनि जेके ईश्‍वर जो वचन ॿुधनि था ऐं उन ते अमलु कनि था.’—लूका 11:28.

परिवार में प्यार वधंदो.—इफिसयन (इफिसियों) 5:28, 29.

हिक ॿिए लाइ इज्जत वधंदी.— इफिसयन (इफिसियों) 5:33.

परिवार में एकता वधंदी.—मरकुस 10:6-9.

हिन जे लाइ ॿिन वजहियुनि ते ध्यान ॾियो:

• परिवार जी शुरुआत ईश्‍वर ही कई आहे. पवित्र शास्त्र में लिखियल आहे त यहोवा ईश्‍वर ‘जे करे ही हर परिवार वजूद में आयो आहे’.‏ (इफिसयन [इफिसियों] 3:14, 15) हिन खे ॼाणण सां परिवार में खुशियूं कीअं अची सघदियूं?

  थोड़ो विचार कयो, तव्हां कंहिं वटि लज़ीज़ मानी खाधी ऐं तव्हां ॼाणण चाहियो था त उन खे कीअं ठाहियो वयो आहे. त तव्हां कंहिं खां पुछदां? बेशक उन खां ही जंहिं उहा मानी ठाही आहे.

  तीअं ही परिवार खे ठाहिण वारो यहोवा ईश्‍वर ही असां खे सुठे नमूने ॿुधाए सघे थो त असां जो परिवार कीअं खुश रही सघे थो.—पैदाइश (उत्पति) 2:18-24.

• ईश्‍वर तव्हां सां प्यार कंदो आहे. पवित्र शास्त्र में लिखियल आहे, ‘ईश्‍वर खे तव्हां जी फिकर आहे.’ (1 पतरस 5:6, 7) इन करे हुन शास्त्र में परिवार जे लाइ घणियूं ही हिदायतूं ॾिनियूं आहिनि. जेकॾहिं परिवार जा सभु भाती हिदायतूं मञींदा त उन्हनि जो भलो थींदो. ईश्‍वर जी हिदायत हमेशा सही थींदी आहे.—चवणियूं (नीतिवचन) 3:5, 6; यसायाह (यशायाह) 48:17, 18.