Anga ma Doro Lobo-ni?
Itamo ni obedo . . .
-
Lubanga?
-
dano adana-ni?
-
Catan?
GIN MA BAIBUL WACO
“Lobo ducu tye i te loc pa Larac.”—1 Jon 5:19.
“Wod pa Lubanga yam onen . . . pi turo tic pa Catan woko.”—1 Jon 3:8, Acholi Baibul.
BER PA LOK MAN PIRI
Miniwa tyen lok mumiyo pekki onya i wi lobo-ni.—Niyabo 12:12.
Miniwa tyen lok me bedo ki gen ni lobo-ni bilokke doko maber.—1 Jon 2:17.
TIKA ADA WATWERO GENO GIN MA BAIBUL WACO?
Watwero, pi tyen lok magi:
-
Loc pa Catan kibiturone matwal. Jehovah dong omoko tamme me giko loc pa Catan i kom dano woko. En ocikke me ‘nginyo Catan woko’ ki giko jami maraco ma obino pi tic pa Catan.—Jo Ibru 2:14.
-
Lubanga otyeko yero Yecu Kricito me loyo lobo. Yecu dok pat adada ki laloc mager me lobo me kareni. Ma dok i kom loc pa Yecu, Lubanga ocikke ni: “Kica make i kom jo magoro ki ma piny obwoyogi . . . En kokogi ki i tim bwami ki i un ma gibedo ka unogi kwede.”—Jabuli 72:13, 14.
-
Lubanga pe loko lok goba. Baibul waco ka maleng ni: “Lubanga . . . pe loko lok goba.” (Tito 1:2) Ka Jehovah ocikke me timo gin moni, nongo dong rom ki gin mucobbe! (Icaya 55:10, 11) ‘Lalo lobo man gibibole woko.’ —Jon 12:31.
TAM KONG
Lobo-ni bibedo nining ka kikwanyo lalocce woko?
Baibul gamo lapeny meno i JABULI 37:10, 11 ki NIYABO 21:3, 4.
Itwero Bedo ki Miti i kom Lok Man
WI LUBELE
Pingo Tute me Kelo Kuc i Wi Lobo Ducu pe Onyako Nyige?
Kadi bed dano tye ka tute ki cwinygi ducu, ento tutegi me kelo kuc i wi lobo-ni pe binyako nyige wacel. Pwony pingo.
PWONY MA PIGI TEGO ME BAIBUL
Pingo Lubanga Oweko ni Dano Oden Can?
Baibul miyo lagam ma kweyo cwinywa.
LAPENY MA KIGAMO ME BAIBUL
Tika Larac-ci Tye Ada?
Tika Larac-ci obedo mere kit marac ma dano gitye kwede i cwinygi, nyo kece obedo ngat ma tye ada?
LOK MADOK I KOMWA
Pingo Omyero Ikwan Baibul?—Vidio Mabor
Baibul tye ka miyo lagam me lapeny ma pigi tego ma mako kwo pi dano milion mapol i but lobo ducu. In bene imito bedo ngat acel i kingi?
LOK MADOK I KOMWA
Peny Wek Kilimi
Nyam lapeny mo me Baibul, nyo pwony lok mapol madok i kom Lucaden pa Jehovah.
