La 132:1-18
Yoku Kuɔmi La.
132 Oo Yehowa, mo kai DavidKɛ e nɔ́ nami ɔ tsuo;
2 Kɛ bɔ nɛ e kã Yehowa kita ha a,Bɔ nɛ e kã Yakob He Walɔ ɔ kita ke:
3 “I be ye bo tsu ɔ, nɛ ji ye we ɔ mi sɛe.
I be ye sɛ ɔ, nɛ ji ye sa a nɔ hwɔe;
4 I be hae nɛ ye hɛngmɛ nɛ hwɔ mahe,Nɛ i be kɔnɛɛ dee hulɔ
5 Kɛ yaa si be nɛ ma ná he ko ha Yehowa,Hi he nɛ hi* kɛ ha Yakob He Walɔ ɔ.”
6 Hyɛ! wa nu he ngɛ Efrata;Wa na ngɛ hue tso ɔ mi.
7 Nyɛ ha nɛ waa ba e hi he ɔ;*Nyɛ ha nɛ wa kplã si ngɛ nɔ́ nɛ e ngɔɔ e nane kɛ maa nɔ ɔ hɛ mi.
8 Oo Yehowa, tee si nɛ o ba o he jɔɔmi he ɔ,O kɛ o Daka nɛ o kɛ jeɔ o he wami ɔ kpo ɔ.
9 Dami nɛ ha o we osɔfo ɔmɛ a he,Nɛ́ nihi nɛ a yeɔ mo anɔkuale ɔ nɛ a he ose kɛ bua jɔmi.
10 O sɔmɔlɔ David he je ɔ,Ko kua nɔ nɛ o pɔ lɛ nu ɔ.*
11 Yehowa kã David kita;E be e nya se kpalee kɔkɔɔkɔ; e de ke:
“Ma ngɔ o nina amɛ a kpɛti nɔ kake*Kɛ hi o matsɛ sɛ ɔ nɔ.
12 Ke o bimɛ ɔmɛ ye ye somi ɔKɛ ye kaimi ɔmɛ nɛ i tsɔɔ mɛ ɔ nɔ ɔ,A bimɛ huMaa hi o matsɛ sɛ ɔ nɔ kɛ maa ya neneene.”
13 Ejakaa Yehowa hla Zion;E suɔ kaa e pee e hi he:
14 “Hiɛ ɔ ji ye he jɔɔmi he kɛ yaa neneene;Hiɛ ɔ nɛ ma hi, ejakaa jã nɛ i suɔ.
15 Ma jɔɔ lɛ kɛ niye ní babauu;Ma ha e we ohiatsɛmɛ ɔmɛ maa tɔ kɛ abolo.
16 Ma ngɔ yi wami hemi kɛ ha e we osɔfo ɔmɛ a he,Nɛ nihi nɛ a yeɔ lɛ anɔkuale ɔ ma he ose kɛ bua jɔmi.
17 Ma ha nɛ David he wami ɔ maa hiɛ babauu* ngɛ lejɛ ɔ.
I dla kane ko kɛ ha nɔ nɛ i pɔ lɛ nu ɔ.
18 Ma ngɔ zo kɛ ha e he nyɛli ɔmɛ a he,Se matsɛ pɛɛ* nɛ ngɛ e yi ɔ ma kpɛ.”
Sisi Ningmahi
^ Aloo “Bo tsu ngua.”
^ Aloo “e bo tsu ngua a mi.”
^ Ngɛ Hebri gbi mi ɔ, “Ko plɛ nɔ nɛ o pɔ lɛ nu ɔ hɛ mi kɛ ho se ya.”
^ Ngɛ Hebri gbi mi ɔ, “o fɔmi kotoku ɔ mi yiblii ɔ kake.”
^ Ngɛ Hebri gbi mi ɔ, “David koli ɔ maa puɛ.”
^ Aloo “jlasi.”
