La 148:1-14
148 Nyɛ je Yah yi!*
Nyɛ je Yehowa yi nyɛ nihi nɛ nyɛ ngɛ hiɔwe;Nyɛ je e yi ngɛ hiɔwe lokoo.
2 Nyɛ je e yi, nyɛ e bɔfohi tsuo.
Nyɛ je e yi, nyɛ e tabo ɔ tsuo.
3 Pu kɛ nyɔhiɔ, nyɛ je e yi.
Nyɛ dodoehi tsuo nɛ nyɛ kpɛɔ, nyɛ je e yi.
4 Oo hiɔwe ɔmɛ a mi hiɔwe,* nyɛ je e yi,Nyuhi nɛ ngɛ hiɔwe ɔmɛ a yi nɔ ɔ, nyɛ je e yi.
5 A je Yehowa biɛ ɔ yi,Ejakaa e fã, nɛ a bɔ mɛ.
6 E ngɔ mɛ kɛ ma si kɛ yaa neneene;E wo mlaa nɛ́ e se be poe.
7 Nyɛ je Yehowa yi nyɛ nihi nɛ nyɛ ngɛ zugba a nɔ,Nyɛ wo mi adebɔ ní nguanguahi, kɛ nyuhi nɛ a mi kuɔ tsuo,
8 Nyɛ oslabai kɛ gbiɛ ngo ngu, snoo kɛ bɔku nɛ mi ti,Mo kɔɔhiɔ nɛ nya wa nɛ o tsuɔ e munyu ɔ nya ní,
9 Nyɛ yokuhi kɛ nyɛ kponguhi tsuo,Nyɛ tsohi nɛ woɔ yiblii kɛ nyɛ seda tsohi tsuo,
10 Nyɛ nga mi lohwehi kɛ nyɛ we mi lohwehi tsuo,Nyɛ níhi nɛ nyɛ sãã si kɛ lohwe pɛlitsɛmɛ,
11 Nyɛ zugba a nɔ matsɛmɛ kɛ nyɛ je mahi tsuo,Nyɛ ma nikɔtɔmahi kɛ nyɛ zugba a nɔ kojoli tsuo,
12 Nyɛ nihewi kɛ yihewi,*Nimowi kɛ jokuɛwi tsuo.*
13 Nyɛ je Yehowa biɛ ɔ yi,Ejakaa e biɛ ɔ pɛ lɛ e nɔ kuɔ pe kulaa.
E we agboje ɔ ngɛ zugba a kɛ hiɔwe a yi nɔ.
14 E ma wo e we bi ɔmɛ a he wami* ɔ nɔ,Ngɛ nihi nɛ a yeɔ lɛ anɔkuale ɔ tsuo a yi jemi he je,Ngɛ Israelbi ɔmɛ nɛ ji nihi nɛ a su e he haa a yi jemi he je.
Nyɛ je Yah yi!*
Sisi Ningmahi
^ Aloo “Haleluyah!” “Yah” ji biɛ Yehowa a kpiti pomi.
^ Aloo “hiɔwe nɛ ya hiɔwe pe kulaa.”
^ Ngɛ Hebri gbi mi ɔ, “yihi nɛ a li nyumu.”
^ Aloo “Nihi nɛ a wa kɛ nihi nɛ a wɛ tsuo.”
^ Ngɛ Hebri gbi mi ɔ, “a koli.”
^ Aloo “Haleluyah!” “Yah” ji biɛ Yehowa a kpiti pomi.
