La 23:1-6
La nɛ David po.
23 Yehowa ji ye Hyɛlɔ.*
Nɔ́ ko nɔ́ ko be mi hiae.
2 E haa nɛ i jɔɔ ye he ngɛ nga mumu nɔ;E nyɛɛɔ ye hɛ mi kɛ yaa he jɔɔmi hehi nɛ nyu ngɛ.*
3 E haa nɛ i* náa he wami he.
E nyɛɛɔ ye hɛ mi ngɛ dami blɔhi a nɔ ngɛ e biɛ ɔ he je.
4 E ngɛ mi kaa i nyɛɛɔ dɔgba nɛ mi wo diblii kpii mi mohu lɛɛ,Se i yi nɔ́ yaya ko gbeye,Ejakaa o kɛ mi ngɛ;O to tsɔ̃mi tso ɔ kɛ o dɛma tso ɔ haa nɛ i hiɔ slɔkee.*
5 O ngmɛɔ mi okplɔɔ ngɛ ye he nyɛli ɔmɛ a hɛ mi.
O pɔɔ ye yi mi nu;Ye kplu ɔ hyi banebane.
6 Niinɛ, kpakpa peemi kɛ suɔmi nɛ se pui maa nyɛɛ ye se ye wami ligbi ɔmɛ tsuo,Nɛ ma hi Yehowa we ɔ ye wami ligbi ɔmɛ tsuo.
Sisi Ningmahi
^ Ngɛ Hebri gbi mi ɔ, “Yehowa ji nɔ nɛ hyɛɛɔ ye nɔ kaa To Hyɛlɔ.”
^ Baiblo komɛ de ke “kɛ yaa nyu jɔjɔɛ he.”
^ Aloo “ye klaa.”
^ Aloo “haa nɛ i náa bua womi.”
