La 29:1-11
La nɛ David po.
29 Nyɛ je Yehowa yi, nyɛ he wali a bimɛ,Nyɛ je Yehowa yi ngɛ e hɛ mi nyami kɛ e he wami ɔ he je.
2 Nyɛɛ kɛ hɛ mi nyami nɛ sa Yehowa biɛ ɔ nɛ ha lɛ;
Nyɛ kplã si ha* Yehowa kɛ nyɛ he tade klɔuklɔuhi.*
3 A nuɔ Yehowa gbi ɔ ngɛ nyu ɔmɛ a nɔ;Mawu nɛ hɛ mi ngɛ nyami ɔ wo gbi.
Yehowa ngɛ nyu babauu ɔmɛ a yi nɔ.
4 Yehowa gbi ɔ, he wami ngɛ mi;Yehowa gbi ɔ hɛ mi nyami ngɛ mi.
5 Yehowa gbi ɔ ngɛ seda tso ɔmɛ kue;Ee, Yehowa ku Lebanon seda tso ɔmɛ.
6 E haa nɛ Lebanon* tuɔ kaa na bi,Nɛ Sirion tuɔ kaa nga mi na ku wayoo.
7 Yehowa gbi ɔ haa nɛ la kpɛɔ plamplam;
8 Yehowa gbi ɔ haa nɛ nga mimiɛɔ;Yehowa haa nɛ Kadesh nga a mimiɛɔ.
9 Yehowa gbi ɔ haa nɛ afugbɛ tsui poɔ, nɛ e fɔɔ bi,Nɛ e haa nɛ tsohi taa hue tso ɔmɛ a mi.
Nɛ nihi tsuo nɛ a ngɛ e sɔlemi we ɔ deɔ ke: “Hɛ mi nyami!”
10 Yehowa hii si ngɛ matsɛ sɛ nɔ ngɛ nyu babauu ɔ* yi nɔ;Yehowa hii si ngɛ matsɛ sɛ nɔ kaa Matsɛ kɛ yaa neneene.
11 Yehowa ma ha e we bi he wami.
Yehowa maa jɔɔ e we bi ɔmɛ kɛ tue mi jɔmi.
Sisi Ningmahi
^ Aloo “Nyɛ ja.”
^ Baiblo komɛ de ke “akɛnɛ e ngɛ klɔuklɔu wawɛɛ ɔ he je.”
^ E ngɛ heii kaa Lebanon yoku ɔmɛ.
^ Aloo “wo nɛ ngɛ hiɔwe ɔ.”
