La 3:1-8
La nɛ David po benɛ e ngɛ e binyumu Absalom nya fo tue.
3 Oo Yehowa, mɛni he je nɛ ye he nyɛli ɔmɛ a he hiɛ babauu kikɛ nɛ ɔ?
Mɛni he je nɛ nihi fuu ngɛ si tee kɛ ngɛ mi woe ɔ?
2 Nihi fuu ngɛ dee ngɛ ye* he ke:
“Mawu be e yi wami hee.” (Sela)*
3 Se mo Yehowa, mo ji tsɛ̃i nɛ bɔle mi kɛ kpe,Mo ji ye hɛ mi nyami kɛ nɔ nɛ woɔ ye yi nɔ.
4 Ma kpa ngmlaa kɛ tsɛ Yehowa,Nɛ e ma he mi nɔ ngɛ e yoku klɔuklɔu ɔ nɔ. (Sela)
5 Ma hwɔ si nɛ ma hwɔ mahe;Nɛ ma te si slɔkee,Ejakaa Yehowa yaa nɔ nɛ e yeɔ buaa mi.
6 Nimli akpe nyɔngmahi abɔNɛ bɔle mi kɛ kpe ɔ, i yi mɛ gbeye.
7 Oo Yehowa, tee si! Ao ye Mawu, mo he ye yi wami!
Ejakaa o maa fiaa ye he nyɛli ɔmɛ a tsitsa nɔ́;O maa ku yiwutsotsɛmɛ a lungu.
8 Yehowa nɔ́ ji yi wami hemi.
O jɔɔmi ngɛ o we bi ɔmɛ a nɔ. (Sela)
