La 4:1-8
Kɛ ha la nɔ hyɛlɔ ɔ; á fia kpã sakuhi kɛ to he. La nɛ David po.
4 Oo ye Mawu nɛ o ji dalɔ, ke i tsɛ mo ɔ, mo he nɔ.
Mo je mi* ngɛ ye haomi ɔ mi.
Moo na mi mɔbɔ, nɛ́ o bu ye sɔlemi tue.
2 Nyɛ nimli a bimɛ, kɛ yaa si mɛni be nɛ nyɛ ma tsake ye hɛ mi nyami ɔ kɛ pee hɛ mi si puemi?
Kɛ yaa si mɛni be nɛ nyɛ maa suɔ yaka níhi, nɛ nyɛ ma hla níhi nɛ a pi anɔkuale se blɔ? (Sela)
3 Nyɛ ná nɛ nyɛɛ le kaa Yehowa kɛ nɔ nɛ yeɔ lɛ anɔkuale ɔ maa hi si ngɛ blɔ klɛdɛɛ nɔ;*Ke i tsɛ Yehowa a, e maa nu.
4 Ke nyɛ mi mi fu ɔ, nyɛ ko pee yayami.
Nyɛ ha nɛ nyɛ munyu nɛ hi nyɛ tsui mi ngɛ nyɛ sa nɔ, nɛ́ nyɛɛ pee dii. (Sela)
5 Nyɛɛ sã dami afɔlehi,Nɛ nyɛɛ ngɔ nyɛ hɛ kɛ fɔ Yehowa nɔ.
6 Nihi fuu ngɛ dee ke: “Mɛnɔ ma ha nɛ waa na nɔ́ kpakpa ko?”
Oo Yehowa, ha nɛ o hɛ mi la a nɛ kpɛ ngɛ wa nɔ.
7 O ha nɛ ye tsui hyi tɔ kɛ bua jɔmiPe nihi nɛ a kpa ngma babauu, nɛ́ a ná wai ehe babauu.
8 Ma hwɔ si, nɛ ma hwɔ mahe ngɛ tue mi jɔmi mi,Ejakaa mo Yehowa pɛ lɛ o haa nɛ i hiɔ si slɔkee.
Sisi Ningmahi
^ Ngɛ Hebri gbi mi ɔ, “Mo je blɔ ngua ha mi.”
^ Aloo “e ma ha nɛ nɔ nɛ yeɔ lɛ anɔkuale ɔ nɛ je ekpa; e ma je nɔ nɛ yeɔ lɛ anɔkuale ɔ kɛ to ha lɛ nitsɛ e he.”
