La 46:1-11
Kɛ ha la nɔ hyɛlɔ ɔ. Kora binyumu ɔmɛ a la. A la ngɛ Alamot* blɔ nɔ.
46 Mawu ji wa wesa he kɛ wa he wami,Wa ma nyɛ ma ná yemi kɛ buami ngɛ e ngɔ be fɛɛ be ngɛ haomi behi a mi.
2 Lɔ ɔ he je nɛ ke zugba a mimiɛ,Nɛ yokuhi hia kɛ ya pue wo ɔ sisi po, wa be gbeye yee ɔ nɛ.
3 Ke wo nyu babauu ɔ gli, nɛ e fia hwɔli po,Ke wo ɔ pee hamahama, nɛ lɔ ɔ ha nɛ yokuhi hoso po, wa be gbeye yee. (Sela)
4 Pa ko ngɛ kɛ e kɔnihi fuu nɛ haa nɛ Mawu ma a nyaa,Nɔ Nɛ E Nɔ Kuɔ Pe Kulaa a bo tsu ngua nɛ ngɛ klɔuklɔu ɔ.
5 Mawu ngɛ ma a mi; a be nyɛe ma kpata ma a hɛ mi.
Mawu ma ba je ngmlaa ha ma a makɛ futɛfutɛ.
6 Je ma amɛ gli, nɛ a kpata matsɛ yemi ɔmɛ a hɛ mi;E wo e gbi nɔ, nɛ zugba a sile.
7 Yehowa tabohiatsɛ ɔ kɛ wɔ ngɛ;Yakob Mawu ɔ ji wa wesa he* nɛ ngɛ slɔkee. (Sela)
8 Nyɛɛ ba nɛ nyɛ ba hyɛ níhi nɛ Yehowa pee ɔ,Nyɛ ba hyɛ nyakpɛ níhi nɛ e pee ngɛ zugba a nɔ ɔ.
9 E haa nɛ tahi a se poɔ ngɛ zugba a nɔ tsuo.
E kuɔ kɛ̃ɛ̃ mi bihi kɛ akplɔhi a mi;E kɛ la sãã tabuli a zugba lɛhi.*
10 “Nyɛɛ pee dii nɛ nyɛɛ le kaa imi ji Mawu.
A ma wo ye nɔ ngɛ je ma amɛ a kpɛti;A ma wo ye nɔ ngɛ zugba a nɔ.”
11 Yehowa tabohiatsɛ ɔ kɛ wɔ ngɛ;Yakob Mawu ɔ ji wa wesa he nɛ ngɛ slɔkee. (Sela)
