La 67:1-7
Kɛ ha la nɔ hyɛlɔ ɔ; á fia kpã sakuhi kɛ to he. La nɛ a po.
67 Mawu maa na wɔ mɔbɔ, nɛ e maa jɔɔ wɔ;E ma ha nɛ e hɛ mi ma kpɛ ngɛ wa nɔ, (Sela)
2 Konɛ a le o blɔ ɔ ngɛ zugba a nɔ tsuo,Yi wami hemi níhi nɛ o peeɔ ngɛ je ma amɛ tsuo a kpɛti ɔ.
3 Oo Mawu, ha nɛ mahi nɛ a je o yi;Ha nɛ ma amɛ tsuo nɛ a je o yi.
4 Ha nɛ je mahi nɛ a nya nɛ a he ose,Ejakaa o maa kojo ma amɛ ngɛ dami nya.
O ma kudɔ je mahi nɛ a ngɛ zugba a nɔ ɔ. (Sela)
5 Oo Mawu, ha nɛ mahi nɛ a je o yi;Ha nɛ ma amɛ tsuo nɛ a je o yi.
6 Zugba a maa ba ní;Mawu, wa Mawu ɔ maa jɔɔ wɔ.
7 Mawu maa jɔɔ wɔ,Nɛ nihi nɛ a ngɛ zugba a nɔ he fɛɛ he ɔ maa ye lɛ gbeye.*
Sisi Ningmahi
^ Aloo “maa wo e hɛ mi nyami.”
