La 8:1-9
Kɛ ha la nɔ hyɛlɔ ɔ; ngɛ Gitit* nɔ. La nɛ David po.
8 Oo Yehowa wa Nyɔmtsɛ, hyɛ bɔ nɛ o biɛ ɔ je agbo ngɛ zugba a nɔ tsuo ha;O ha nɛ o hɛ mi nyami ɔ ya hiɔwe pe hiɔwe ɔmɛ po!*
2 O ha nɛ he wami je kpo ngɛ jokuɛwi kɛ bimwɔwi a nyaNgɛ o he nyɛli ɔmɛ a he je,Konɛ o ha nɛ he nyɛlɔ ɔ kɛ lue yelɔ ɔ nɛ pee dii.
3 Ke i hyɛ hiɔwe, nɛ i na o nguɛ nya ní tsumi ɔmɛ,Nyɔhiɔ ɔ kɛ dodoe ɔmɛ nɛ o pee ɔ,
4 Mɛnɔ ji nɔmlɔ adesa nɛ o susuɔ e he,Kɛ nɔmlɔ bi nɛ o hyɛɔ e nɔ?
5 O ha nɛ e ba si bɔɔ pɛ pe hiɔwe bɔfo ɔmɛ,*Nɛ o kɛ hɛ mi nyami kɛ agboje bu lɛ jlasi.
6 O ha nɛ e ye o nine nya ní tsumi ɔmɛ a nɔ;O ngɔ nɔ́ fɛɛ nɔ́ kɛ wo e nane si:
7 To ɔmɛ kɛ na amɛ tsuo,Kɛ nga mi lohwe ɔmɛ,
8 Hiɔwe lohwe pɛlitsɛmɛ kɛ wo mi lo ɔmɛ,Nɔ́ fɛɛ nɔ́ nɛ nyɛɛɔ ngɛ wo mi.
9 Oo Yehowa wa Nyɔmtsɛ, hyɛ bɔ nɛ o biɛ ɔ je agbo ngɛ zugba a nɔ tsuo ha!
Sisi Ningmahi
^ Baiblo komɛ de ke “Mo nɔ nɛ a fiɛɛɔ o hɛ mi nyami ɔ kɛ beɔ hiɔwe ɔmɛ a he!”
^ Aloo “pe nihi nɛ a ngɛ kaa Mawu.”
