Daa jeha a, Yehowa Odasefohi kɛ nihi ayɔhi abɔ nɛ a fɔɔ mɛ nine ɔ buaa a he nya si kake ngɛ je kɛ wɛ nɛ a kaiɔ Yesu gbenɔ ɔ kaa bɔ nɛ e fã mɛ ke a pee ɔ. (Luka 22:19) Ní peemi nɛ ɔ yeɔ bua wɔ nɛ wa naa bɔ nɛ Yesu wami nɛ e kɛ sã afɔle ngɛ adesahi a he ɔ he hia ha. Jehanɛ hu ɔ, e haa nɛ wa naa nɔ́ nɛ e gbenɔ afɔle sami ɔ ma nyɛ maa pee ha wɔ amlɔ nɛ ɔ kɛ hwɔɔ se hulɔ.​—Yohane 3:16.

 Ke o nyɛ nɛ o ya Kaimi ɔ jeha nɛ ɔ, aloo o nyɛ we nɛ o ya a, kɛ o ma plɛ kɛ ná Yesu gbenɔ afɔle sami ɔ he se ha kɛɛ? Yesu tsɔɔ wɔ kaa waa pee níhi enyɔ nɛ a he hia nɛ ɔmɛ:

1.  1. Kase Mawu kɛ Yesu he ní. Benɛ Yesu ngɛ sɔlee ha e Tsɛ ɔ, e de ke: “Enɛ ɔ ji neneene wami ɔ nɛ, kaa a maa hi mo anɔkuale Mawu kake pɛ ɔ lee, kɛ nɔ nɛ o tsɔ ɔ, Yesu Kristo.”​—Yohane 17:3.

2.  2. O kɛ nɔ́ nɛ o ngɛ kasee ɔ nɛ tsu ní. Yesu ma nɔ mi kaa e sa nɛ waa kɛ níhi nɛ e tsɔɔ wɔ ɔ nɛ tsu ní ngɛ wa si himi mi. Kaa nɔ hyɛmi nɔ́ ɔ, e jé nɔ fɛɛ nɔ nɛ e “nuɔ [e] munyu ɔmɛ, nɛ e yeɔ nɔ ɔ” yi kɛ mwɔ e Yoku ɔ Nɔ Fiɛɛmi munyu ɔ nya. (Luka 6:46-48) Jã nɔuu kɛ̃ nɛ ngɛ be kpa ko hu mi ɔ, e de ke: “Ke nyɛ le ní nɛ ɔmɛ nɛ nyɛ peeɔ ɔ, nyɛ ngɛ bua jɔmi.”​—Yohane 13:17.

 Anɛ o suɔ nɛ o kase babauu kɛ kɔ Mawu kɛ Yesu he lo? Anɛ o suɔ kaa o ná ga womi nɛ́ maa ye bua mo konɛ o kɛ nɔ́ nɛ o ngɛ kasee ɔ nɛ tsu ní lo? Hyɛ ní komɛ nɛ ma nyɛ maa ye bua mo kɛ pee jã.

 Wa Baiblo mi ní kasemi nɛ a to he blɔ nya kaa ní sɛɛmi nɛ a he we nɔ́ ko ɔ ye bua nihi babauu nɛ a kase Baiblo ɔ nɛ a kɛ e mi munyu ɔmɛ tsu ní ngɛ a si himi mi.

•   Moo ya Baiblo Mi Ní Kasemi Nɛ Nɔ Ko Maa Ye Bua Mo blɔ he ɔ nɛ o kase níhi fuu kɛ kɔ blɔ nya tomi nɛ ɔ he.

•   Moo hyɛ video nɛ ji Mo Hee Kɛ Ba O Baiblo Kasemi ɔ Sisi, konɛ o na bɔ nɛ Yehowa Odasefohi peeɔ Baiblo mi ní kasemi ha.

 Yehowa Odasefohi kpeɔ si enyɔ ngɛ otsi ɔ mi kɛ jaa Mawu ngɛ a Matsɛ Yemi Asa amɛ nɔ. Ngɛ kpe nɛ ɔmɛ a sisi ɔ, wa kaseɔ Baiblo ɔ nɛ wa kaseɔ bɔ nɛ waa kɛ e mi munyu ɔmɛ ma tsu ní ha ngɛ wa si himi mi.

 Nɔ fɛɛ nɔ ma nyɛ maa ba kpe nɛ ɔ eko; e he hia we nɛ o pee Odasefo no loko o ma nyɛ maa ya eko. O ma nyɛ maa da si fɔfɔɛ nɛ ngɛ nyɛ kpɔ ɔ mi ɔ nɔ kɛ hla kaa o maa ya he nɛ a bua a he nya ngɛ ɔ, aloo o maa pee ngɛ videoconference nɔ.

•   Moo hyɛ video nɛ ji Mɛni A Peeɔ Ngɛ Matsɛ Yemi Asahi A Nɔ? konɛ o kɛ le níhi nɛ yaa nɔ ngɛ kpe nɛ ɔmɛ a sisi.

•   Moo ya Asafo Mi Kpehi Nɛ Yehowa Odasefohi Peeɔ blɔ he ɔ, konɛ o hlá he nɛ a peeɔ asafo mi kpehi ngɛ nɛ e kɛ mo he kɛ we.

 Munyuhi kɛ videohi nɛ ngɛ wɛbsaiti nɛ ɔ nɔ ɔ maa ye bua mo konɛ o kase níhi fuu kɛ kɔ níhi nɛ Yesu tsɔɔ kɛ bɔ nɛ e gbenɔ ɔ he ngɛ se nami ha a he.

 Kaa nɔ hyɛmi nɔ́ ɔ, ke o suɔ nɛ o na bɔ nɛ nɔ kake gbenɔ he ma nyɛ maa ba se nami ha nimli ayɔhi abɔ ha a, moo kane munyuhi nɛ ji “Yesu Heɔ Nihi A Yi Wami​—Ngɛ Mɛni Blɔ Nɔ?” kɛ “Mɛni He Je Nɛ Yesu Na Nɔ́ Nɛ E Gbo ɔ?” aloo hyɛ video nɛ ji Mɛni He Je Nɛ Yesu Gbo?