Anɛ Kristofohi Ji Yehowa Odasefohi Lo?
Ee. Kristofohi ji wɔ ngɛ yi mi tomihi nɛ nyɛɛ se nɛ ɔmɛ a he je:
Wa bɔɔ mɔde nɛ waa kɛ Yesu Kristo tsɔɔmihi tsuɔ ní, nɛ wa kaseɔ bɔ nɛ e ba e jemi ha a.—1 Petro 2:21.
Wa he ye kaa Yesu nɔ a maa gu kɛ he adesahi a yi wami, nɛ wa he ye hu kaa ngɛ Yesu “se ɔ, nɔ ko nɔ ko be je ɔ mi nɛ Mawu ha lɛ kikɛmɛ a he wami nɛ ma nyɛ he wa yi wami.”—Bɔfo Ɔmɛ A Ní Tsumi 4:12.
A baptisiɔ nihi nɛ ba peeɔ Yehowa Odasefohi ɔ kɛ woɔ Yesu biɛ mi.—Mateo 28:18, 19.
Wa sɔleɔ ngɛ Yesu biɛ mi.—Yohane 15:16.
Wa he ye kaa Yesu ji Yi, loo nɔ nɛ a ha lɛ he wami ngɛ adesahi tsuo a nɔ.—1 Korinto Bi 11:3.
Se wa ngɛ slɔɔto ngɛ jamihi nɛ a tsɛɛ a he ke Kristofohi ɔ a he ngɛ blɔhi babauu nɔ. Kaa nɔ hyɛmi nɔ́ ɔ, wa he ye kaa Baiblo ɔ tsɔɔ kaa Mawu Bi ji Yesu, se pi Triniti. (Marko 12:29) Wa he we yi kaa susuma gbo we, nɛ nɔ́ ko be Ngmami ɔ mi nɛ tsɔɔ kaa Mawu ma pii nihi ngɛ hɛl mi kɛ ya neneene, loo kaa e sa nɛ nihi nɛ a nyɛɛ hɛ mi ngɛ jami ní tsumihi a mi ɔ nɛ a ngɔ sablai nguahi kɛ fɔ a nɔ, nɛ a je kpa ngɛ ni kpahi a he.—Fiɛɛlɔ 9:5; Ezekiel 18:4; Mateo 23:8-10.
Eko ɔ, O Bua Maa Jɔ Enɛ ɔ Hu He
SANEHI NƐ NIHI PƆƆ BIMI
Anɛ Yehowa Odasefohi Heɔ Yesu Yeɔ Lo?
Moo kase nɔ́ he je nɛ Yesu mi hemi kɛ yemi he hia anɔkuale Kristofohi ɔ he ní.
SANEHI NƐ NIHI PƆƆ BIMI
Mɛni He Je Nɛ Yehowa Odasefohi Kɛ Klɔɔsu Tsu We Ní Ngɛ A Jami Mi ɔ?
E ngɛ mi kaa wa ji Kristofohi mohu lɛɛ, se waa kɛ klɔɔsu tsu we ní. Mɛni he je?
WA HE SANEHI
Mɛni He Je Nɛ E Sa Kaa Waa Kase Baiblo ɔ?
Baiblo ɔ ngɛ nihi ayɔhi abɔ nɛ a ngɛ je ɔ mi tsuo ɔ si himi mi sane bimihi nɛ a he hia a heto hae. Anɛ mo hu o suɔ kaa a ha mo sane bimi nɛ ɔmɛ a heto lo?
WA HE SANEHI
Mo Bi Nɛ A Ba Slaa Mo
Nyɛ ma nyɛ ma susu Baiblo mi sane bimi ko he, aloo nyɛ ma nyɛ maa kase Yehowa Odasefohi a he ní.