“Die hele wêreld is in die mag van die Duiwel.” – 1 Johannes 5:19, Nuwe Wêreld-vertaling.

“Die Seun van God het gekom . . . om die werk van die duiwel te vernietig.” – 1 Johannes 3:8, New Century Version.

Jy sal beter verstaan hoekom daar probleme in die wêreld is. – Openbaring 12:12.

Jy sal rede hê om te glo dat die wêreld ’n beter plek sal word. – 1 Johannes 2:17.

Ja, vir ten minste drie redes:

• Satan se einde is naby. Jehovah is vasbeslote om Satan se beheer oor die mens tot ’n einde te bring. Hy belowe om ‘die Duiwel te vernietig’ en al die skade wat Satan veroorsaak het, reg te maak. – Hebreërs 2:14, Nuwe Wêreld-vertaling.

• God het Jesus Christus gekies om oor die wêreld te regeer. Jesus is heeltemal anders as die wrede, selfsugtige heerser wat in beheer is van hierdie wêreld. God het oor Jesus se koningskap belowe: “Hy sal jammer voel vir die hulpelose en die arme . . . Van onderdrukking en van geweld sal hy hulle red.” – Psalm 72:13, 14.

• God kan nie lieg nie. Die Bybel sê duidelik: “Dit is onmoontlik vir God om te lieg” (Hebreërs 6:18). Wanneer Jehovah belowe om iets te doen, kan jy heeltemal seker wees dat dit gedoen sal word! (Jesaja 55:10, 11). “Die heerser van hierdie wêreld [sal] uitgedryf word.” – Johannes 12:31.