Jesaja 34:1-17
34 Kom nader om te hoor, o nasies,en skenk aandag, o volke.
Laat die aarde en alles daarop luister,die land en sy hele opbrengs.
2 Want Jehovah is woedend vir al die nasies.+
Hy is baie kwaad vir al hulle leërmagte.+
Hy het besluit om hulle te vernietig.
Hy sal hulle uitroei.+
3 Dié wat doodgemaak is, sal net so bly lê,en die stank van hulle lyke sal die lug vul.+
Die berge sal deurdrenk wees van* hulle bloed.+
4 Die hele leërmag van die hemel sal verrot,en die hemel sal opgerol word soos ’n boekrol.
Hulle hele leërmag sal verdor,soos ’n verdorde blaar wat van die wingerdstok afvalen soos ’n verdroogde vy wat van die vyeboom afval.
5 “Want in die hemel sal my swaard drup.+
Dit sal met oordeel op Edom afkom,+op die volk wat ek besluit het om te vernietig.
6 Jehovah het ’n swaard. Dit sal vol bloed wees.
Dit sal vol vet wees,+vol van die bloed van jong ramme en bokkeen die niervet van ramme.
Want Jehovah het ’n offerfees in Bosra,’n groot slagting in die land Edom.+
7 Die wilde bulle sal saam met hulle val,die jong bulle saam met die sterkes.
Hulle land sal deurdrenk wees van bloed,en hulle grond sal vol vet wees.”
8 Want Jehovah het ’n dag van wraak,+’n jaar van straf vir alles wat aan Sion gedoen is.+
9 Haar* strome sal in teer verander word,en haar stof in swael.
En haar land sal soos brandende teer word.
10 Dit sal dag en nag bly brand.
Die rook sal vir ewig opstyg.
Van geslag tot geslag sal sy verwoes bly.
Niemand sal tot in alle ewigheid daardeur trek nie.+
11 Die pelikaan en die ystervark sal haar in besit neem,en langooruile en kraaie sal in haar woon.
Hy sal haar meet met die maatlyn van leegheiden met die skietlood van verlatenheid.
12 Nie een van haar belangrike mense sal koning word nie,en al haar leiers sal verdwyn.
13 Doringbosse sal in haar versterkte torings groei,en brandnetels en doringrige onkruid in haar vestings.
Sy sal ’n lêplek van jakkalse word,+en ’n woonplek van volstruise.
14 Woestyndiere en huilende diere sal daar bymekaarkom,en wilde bokke* sal na mekaar roep.
Die naguil sal daar bly en ’n rusplek vind.
15 Die slang sal daar nesmaak en eiers lê,en sy sal hulle uitbroei en beskerm.
Die valke sal daar bymekaarkom, elkeen met sy maat.
16 Gaan kyk in die boek van Jehovah en lees dit hardop:
Hulle almal sal daar wees,en hulle almal sal ’n maat hê,want Jehovah het die bevel gegee,en sy gees het hulle bymekaargebring.
17 Hy is die Een wat die lot vir hulle gewerp het,en sy eie hand het hulle plek vir hulle uitgemeet.
Hulle sal dit vir altyd besit.
Hulle sal tot in alle geslagte daarin woon.
Voetnote
^ Lett. “sal smelt weens”.
^ Verwys blykbaar na Bosra, die hoofstad van Edom.
^ Of moontlik “en bokagtige demone”.
