LANDE EN VOLKE
’n Besoek aan Ierland
DIE “Smarageiland” bestaan uit twee lande: die groter land is die onafhanklike Republiek van Ierland en die kleiner land is Noord-Ierland, wat deel uitmaak van die Verenigde Koninkryk.
Giant’s Causeway
Ierland word die Smarageiland genoem omdat die hoë reënval ’n helder groen landskap tot gevolg het. Pragtige mere en riviere, hooglande aan die kus en golwende heuwels dra by tot die natuurskoon.
’n Grasdakhuis
Die mense van Ierland het al baie ontberinge deurgemaak. Byvoorbeeld, volgens skatting het ongeveer ’n miljoen mense tussen 1845 en 1851 van verhongering en siekte gesterf toe die aartappeloeste weens laatroes misluk het. Om volslae armoede te vermy, het baie mense na lande soos Australië, Brittanje, Kanada en die Verenigde State geëmigreer. Vandag is daar sowat 35 miljoen Amerikaners wat van Ierse herkoms is.
Die Iere is bekend vir hulle hartlikheid en gasvryheid. Hulle is baie lief vir perdry en spansport, soos krieket, rugby, sokker (wat hulle voetbal noem) en Gaeliese voetbal (wat soortgelyk is aan sokker). Veral vroue geniet ’n spansport wat camogie genoem word en soortgelyk is aan hokkie.
Die mense van Ierland hou ook van gesels en is lief vir musiek. Ierse stapdanse is wêreldberoemd. Dansers voer vinnige en presiese bewegings met hulle voete uit terwyl hulle hulle bolyf regop hou.
’n Ierse orkes
Jehovah se Getuies is al meer as honderd jaar in Ierland. Daar is nou meer as 6 000 Getuies in die land, en hulle span hulle in om ander die Bybel te leer.
In tradisionele Ierse musiek word instrumente soos dié hieronder gebruik, van links na regs: die Keltiese harp, die Ierse doedelsak, die viool, die trekklavier, die blikfluit en die bodhran (trom)
HET JY GEWEET?
Die Giant’s Causeway, aan die noordkus van Noord-Ierland, bestaan uit duisende kalksteenpilare wat gevorm is toe lawastrome lank gelede afgekoel het toe dit in die see ingeloop het.
Jy sal dalk ook hiervan hou
ONTWAAK!
’n Besoek aan Nieu-Seeland
Al moet mense ver reis om daar te kom, lok Nieu-Seeland byna 3 000 000 toeriste per jaar. Hoekom is die land so gewild?
ONTWAAK!
’n Besoek aan Kazakstan
In die ou tyd het Kazakke as nomade gelewe en in joerte gewoon. Watter invloed het hulle ou tradisies op hulle moderne leefstyl?
ONTWAAK!
’n Besoek aan Spanje
Spanje is ’n land van groot verskeidenheid. Dit kan in die natuur en in die mense gesien word. Spanje vervaardig meer olyfolie as enige ander land in die wêreld.
ONTWAAK!
’n Besoek aan Kirgistan
Mense in Kirgistan is bekend vir hulle gasvryheid en respek. Watter gebruike kenmerk hulle gesinslewe?
ONTWAAK!
’n Besoek aan Oesbekistan
Vind meer uit omtrent Oesbekistan en die geskiedenis van die veranderende alfabet van Oesbekies.
