Бистиҥ Туралар Каандыктыҥ Туралары деп адалат, нениҥ учун дезе Кудайдыҥ Каандыгы — Агару Бичиктиҥ тӧс ӱредӱзи ле Христостыҥ јарлаган јарыныҥ аҥылу темазы (Лука 8:1).

Чындык бажырыштыҥ тӧс јерлери. Каандыктыҥ Тураларында јакшылыкту јар јарлаары белетелет (Матфей 24:14). Бу Туралар бай эмес, је тудулган бӱдӱми башка-башка: јаан да кичинек те болуп јат. Кӧп сабада бир Турала бир канча јуундар тузаланып јат. Бистиҥ јуундарга келип турган улустыҥ тоозы јаантайын кӧптӧп турганынаҥ улам, калганчы јылдарда бис он муҥдар кирелӱ Каандыктыҥ јаҥы Тураларын тутканыс, орто тооло алза кажы ла кӱн беш Туранаҥ тудулган. Бу иш канайып эдилген? (Матфей 19:26).

Олор сыйлаган акчага тудулып јат. Сыйлаган акча филиалдӧӧн аткарылып турганынаҥ улам, јуундарга Каандыктыҥ Тураларын тударына ла олорды јазаарына акча алар арга болот.

Арга-чагыла башка-башка тудаачылар акча албазынаҥ иштенгилеп јат. Кӧп ороондордо Каандыктыҥ Тураларын тудатан бӧлӱктер тӧзӧлгӧн. Ӧйин толо берип турган тудаачылардыҥ ла кыска ӧйгӧ бойыныҥ кӱӱнинеҥ иштенерге кӱӱнзегендердиҥ бӧлӱктери, јербойыныҥ акаларына Каандыктыҥ Тураларын ыраак талаларда тударына болужарга, олор бойыныҥ орооныныҥ ичинде бир јууннаҥ бир јуунга кӧчкилейт. Ӧскӧ ороондордо, темдектеп салган кандый бир талада, Каандыктыҥ Тураларын тударын ла јазаарын башкарар ченемелдӱ Керечилер кӧстӧлӧт. Каандыктыҥ Тураларын тударына, јаҥжыккан аайынча, ӧскӧ јерлердиҥ ченемелдӱ тудаачылары туружат, је иштиҥ кӧп сабазын јербойыныҥ улузы эдет. Каандыктыҥ Тураларын тудары кайкамчылу болот, мынайып тудулары Иегованыҥ тыныла, анайда ок Оныҥ бойын кысканбас ишчилериниҥ болужыла эдилип јат (Сарын 127:1; Колоссыдагыларга 3:23).

• Бистиҥ Туралар нениҥ учун Каандыктыҥ Туралары деп адалып јат?

• Бӱдӱн телекейде Каандыктыҥ Тураларын тударга кандый иш эдилип јат?