03 УРОК
Агару Бичикке бӱдерге јараар ба?
Бӱгӱнги кӱнде Агару Бичик кезик улуска сӱреен јаан тузазын јетирет. Анайда ок анда келер ӧй керегинде айдылат. Слер бу бичик неге ӱредип турган деп билип аларга кӱӱнзеп турган болороор. Је мындый сурактар чыгат: бу јебрен бичикке бӱдерге јараар ба? андагы сӧстӧр чын ла бӱдер бе? Канча миллион улус Агару Бичикке бӱдӱп јат. А слерге Агару Бичикке бӱдерге не болужар деп кӧрӱп ийектер.
1. Агару Бичиктиҥ сӧстӧри тӧгӱн бе, чын ба?
Агару Бичикле болзо, андагы бичилгени ӱзе чын (Экклезиаст 12:10). Бу бичикте јердиҥ ӱстинде чын ла јӱрген улустыҥ јӱрӱми бичилген. (Лука 1:3; 3:1, 2 кычырыгар.) Темдектезе: кем? не? кайда? качан? деген сурактарды археология ла тӱӱки јанынаҥ кӧрзӧ, Агару Бичикте бичилгени чын деп кӧрӱнет.
2. Агару Бичик эскирбеген деп, бис кайдаҥ билерис?
Агару Бичикте Јер ле Орчылаҥ (Вселенная) керегинде айдылган сӧстӧр бар. Бу сӧстӧрди бӱгӱнги наукала кӧрзӧ, ӱзе чын болот. Је бу сӧстӧрдиҥ бичилген ӧйинде јаткан улус Јердиҥ бӱткени јанынаҥ чек ӧскӧ санаалу болгон. Нениҥ учун дезе наука бу сӧстӧрдиҥ чынын, јӱк канча јылдар ӧдӧрдӧ оҥдоп баштаган. Айдарда, Агару Бичиктиҥ сӧстӧри эскирбей јат, ого јаантайын бӱдерге јараар (Сарын 111:8).
3. Агару Бичикте келер ӧй керегинде айдылган сӧстӧргӧ бис нениҥ учун бӱдедис?
Агару Бичиктеги судурларда a мындый сӧстӧр бар: «Бӱткелек сӧстӧрди јебрен ӧйлӧрдӧҥ бери айдадым» (Исайя 46:10). Бу судурларды тӱӱки јанынаҥ кӧрзӧ, Агару Бичикте канайып айдылган, анайып ла бӱдӱп калган. Анда бӱгӱнги де кӱн керегинде айдылган судурлар база анайып ла бӱдӱп јат. Бу урокто Агару Бичиктиҥ кезик судурларын кӧрӱп ийерис. Олордыҥ бӱткенин кӧрӱп, слер кайкаар болороор!
ТЕРЕҤЖИДЕ КӦРӰГЕР
Агару Бичикте бичилгенин бӱгӱнги наукала тӱҥдештирип ийигер. Мыныҥ кийнинде кезик судурларды кӧрӱгер.
4. Наука Агару Бичикте бичилгенин чын деп кӧргӱзет
Алдындагы ӧйдӧ улустыҥ кӧп сабазы Јер та нениҥ де ӱстинде турат деп бӱткен. ВИДЕОНЫ кӧрӱп ийигер.
Агару Бичикте 3 500 кире јыл кайра бичилген сӧстӧрди кӧрӱп ийигер. Иов 26:7 кычырып, бу суракты шӱӱжип ийигер:
-
Иов деп бичикте Јерди «неге де илбеген» деген сӧстӧр качан бичилген?
Улус сууныҥ айланыжын (круговорот воды) бу ла јуукта, 200 кире јыл кайра, оҥдоп алган. Је Агару Бичикте бу керегинде канча муҥ јылдар озо бичилип калган. Иов 36:27, 28 кычырып, бу сурактарды шӱӱжип ийигер:
-
Сууныҥ айланыжын кӧрӱп, слер Агару Бичик керегинде нени айдар эдигер?
-
Ӧрӧги ӱлгерлерди кычырала, слер Агару Бичикке бӱдер бедигер?
5. Алдындагы ӧйдӧ бӱткен судурлар
Исайя 44:27—45:2 кычырып, бу суракты шӱӱжип ийигер:
-
Вавилонды јуулап алар деп, 200 јыл озо айдылган судурда кандый оок-теек немелер бичилген?
Персияныҥ кааны Кир ле оныҥ черӱзи б. э. озо b 539 јылда Вавилон деп каланы јуулап алган. Тӱӱки јанынаҥ кӧрзӧ, бу чын ла болгон учурал. Кир Вавилонды айландыра сууны ӧскӧ јердӧӧн агызып ийген. Бу ӧйдӧ каланыҥ эжиктери ачык болордо, Кир оны јуу-согуш јогынаҥ јуулап алган. Оноҥ бери 2 500-теҥ кӧп ӧй ӧдӱп калды, је Вавилон эмдигенче јемирилик турат. А эмди, Агару Бичик бу керегинде кандый судур айтканын кӧрӱп ийигер.
Исайя 13:19, 20 кычырып, бу суракты шӱӱжип ийигер:
-
Бу судурдыҥ бӱдӱп калганы недеҥ кӧрӱнет?
Вавилонныҥ јемириктери (бистиҥ ӧй, Ирак)
6. Эмдиги ӧйдӧ бӱдӱп турган судурлар
Агару Бичикте бистиҥ ӧй «калганчы кӱндер» деп адалат (2 Тимофейге 3:1). Калганчы кӱндер керегинде Агару Бичикте кандый судурлар айдылганын кӧрӱп ийзеер.
Матфей 24:6, 7 кычырып, бу суракты шӱӱжип ийигер:
-
Агару Бичикле болзо, калганчы кӱндерде јердиҥ ӱстиндеги айалга кандый болор?
2 Тимофейге 3:1—5 кычырып, бу сурактарды шӱӱжип ийигер:
-
Агару Бичикле болзо, калганчы кӱндерде улустыҥ кылык-јаҥы кандый болор?
-
Слер бу кылык-јаҥдардыҥ кажызын кӧрӱп јадаар?
КЕЗИК УЛУС АЙДАТ: «Агару Бичик — ол улустыҥ сананып тапкан чӧрчӧги».
-
Слердиҥ санаагарла болзо, Агару Бичикке нениҥ учун бӱдерге јараар?
ТӦС ШӰӰЛТЕЗИ
Науканы, тӱӱкини, бӱдӱп калган судурларды кӧрзӧ, Агару Бичикке бӱдерге јараар деп кӧрӱнет.
Нени билип алдыгар?
-
Агару Бичиктиҥ сӧстӧри тӧгӱн бе, чын ба?
-
Агару Бичиктиҥ кандый сӧстӧри наукага келижип јат?
-
Агару Бичиктиҥ судурлары бӱдӱп калат деп, слер бӱдедеер бе? Јартап беригер.
ШИҤДЕЙТЕН МАТЕРИАЛ
Наукала кӧрзӧ, Агару Бичикте јастыралар бар ба?
«Калганчы кӱндерде» јадып турганыс недеҥ кӧрӱнет?
«Бӱгӱнги кӱнде бӱдӱп турган 6 судур» («Каруулчы шибее», 2011 јыл, кӱӱк ай 1)
Јебрен Греция керегинде судурлар канайып бӱткенин билип алыгар.
Агару Бичиктиҥ судурлары бир кижиниҥ кӧрӱмин канайып солыганын кӧрӱп алыгар.
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
