ሙሴ እነዚህን ብቻ ሳይሆን በሕይወቱ ብዙ ነገሮችን አሳልፏል። በመሆኑም ይህ ታማኝ የአምላክ አገልጋይ በክርስቲያኖች፣ በአይሁዶችና በሙስሊሞች ዘንድ ከፍተኛ አክብሮት ማትረፉ ምንም አያስደንቅም!

ሙሴ አስደናቂ ነገሮችን የፈጸመ ነቢይ እንደነበረ ምንም ጥርጥር የለውም። (ዘዳግም 34:10-12) አምላክ ታላቅ ኃይሉን ለማሳየት በእሱ እንዲጠቀም ፈቃደኛ ሆኗል። ያም ቢሆን ሙሴ ከሰው የተለየ ችሎታ አልነበረውም። በኢየሱስ ምድራዊ አገልግሎት ወቅት ሙሴ ከነቢዩ ኤልያስ ጋር በራእይ ታይቶ ነበር፤ እንደ ኤልያስ ሁሉ ሙሴም “እንደ እኛው ዓይነት ስሜት ያለው ሰው ነበር።” (ያዕቆብ 5:17፤ ማቴዎስ 17:1-9) ሙሴ እኛ ከሚያጋጥሙን ጋር የሚመሳሰሉ ብዙ ችግሮች የደረሱበት ቢሆንም በተሳካ መንገድ ተወጥቷቸዋል።

ታዲያ ችግሮቹን በተሳካ መንገድ ሊወጣ የቻለው እንዴት እንደሆነ ማወቅ ትፈልጋለህ? ሙሴ ያሳያቸውን ሦስት ግሩም ባሕርያት እንዲሁም እሱ ከተወው ምሳሌ ምን ትምህርት ማግኘት እንደምንችል እስቲ እንመልከት።