የካቲት 1, 2023 | የታደሰው፦ ነሐሴ 1, 2023
ሩሲያ

ወቅታዊ መረጃ—ወንድም ተፈረደበት | “መቀየር የሚያስፈልገው ያለሁበት ሁኔታ አይደለም”

አጫውት

ሐምሌ 28, 2023 በቭላድሚር ክልል የሚገኘው የኮቮርቭስኪ ከተማ ፍርድ ቤት፣ ወንድም ቦሪስ ሲሞኔንኮ ጥፋተኛ ነው የሚል ብይን በማስተላለፍ የሁለት ዓመት ከሰባት ወር እስራት ፈርዶበታል። ሆኖም ማረፊያ ቤትና የቁም እስረኛ ሆኖ ካሳለፈው ጊዜ አንጻር የእስራት ጊዜውን እንዳጠናቀቀ ተቆጥሮለታል። ስለዚህ በአሁኑ ወቅት ወህኒ አይወርድም።

አጭር መግለጫ

ቦሪስ ሲሞኔንኮ

የትውልድ ዘመን፦ 1955 (ዩክሬን)

ግለ ታሪክ፦ የማዕድን ቁፋሮ ሠራተኛ ነበር

በ1978 ከኢዳ ጋር ተጋቡ። አሌክሲ የተባለ አንድ ወንድ ልጅ አላቸው

ኢዳ ከይሖዋ ምሥክሮች ጋር መጽሐፍ ቅዱስን ማጥናት ጀመረች። ቦሪስ የመጽሐፍ ቅዱስ መመሪያዎች በቤተሰብ ሕይወታቸው ላይ ያመጣውን ለውጥ ሲመለከት እሱም አብሯት ማጥናት ጀመረ። ኢዳ በ1996፣ አሌክሲ በ1998፣ ቦሪስ ደግሞ በ2000 ተጠመቁ

የሰጠው ሐሳብ

ብዙ ተፈታታኝ ችግሮች እያሉም አዎንታዊ ሆነህ እንድትቀጥል የረዳህ ምንድን ነው?

በክልል ስብሰባ ላይ የሰማሁት አንድ ንግግር በአመለካከቴ ላይ ትልቅ ለውጥ አምጥቷል። ወንድም “ከይሖዋ ተነጥሎ ነፃ ከመሆን እስር ቤት ውስጥ ከይሖዋ ጋር መሆን ይሻላል” ብሎ ነበር። ይህም አንድ ነገር አስገንዝቦኛል፤ ደስተኛ ለመሆን መቀየር የሚያስፈልገው ያለሁበት ሁኔታ አይደለም፤ መቀየር ያለበት እኔ ለሁኔታው ያለኝ አመለካከት ነው። እነዚህ ቃላት ልቤ ላይ ተቀርጸዋል፤ እንድጸና ብርታት ሆነውልኛል። ደግሞም መዝሙር 27:13 እንደሚለው “በሕያዋን ምድር የይሖዋን ጥሩነት አያለሁ የሚል እምነት ባይኖረኝ ኖሮ ምን ይውጠኝ ነበር!” ይሖዋን ከ20 ለሚበልጡ ዓመታት ሳገለግለው ብቆይም በቅርቡ ያጋጠሙኝ ሁኔታዎች ከእሱ ጋር ይበልጥ እንዳቀራረቡኝ መናገር እችላለሁ።

ቦሪስና ቤተሰቡ ከይሖዋ ጋር የመሠረቱት የቅርብ ወዳጅነት ለወደፊቱም ብርታትና ደስታ እንደሚሆናቸው እንተማመናለን።—1 ዜና መዋዕል 16:27

የክሱ ሂደት

የካቲት 8, 2021

ፖሊሶች የስልክ መስመሮችን ጠልፈው የቀዷቸውን ውይይቶች መሠረት በማድረግ በይፋ የወንጀል ምርመራ ጀመሩ
የካቲት 17, 2021

ቤቱ ተፈተሸ። የወንጀል ምርመራ ከተደረገበት በኋላ ጣቢያ እንዲያድር ተደረገ
የካቲት 18, 2021

የወንጀል ክስ ተመሠረተበት። በኢንተርኔት አማካኝነት የይሖዋ ምሥክሮች የሚያደርጉትን ስብሰባ መርተሃል ተብሎ ተከሰሰ። ማረፊያ ቤት ገባ
ሐምሌ 13, 2021

ከማረፊያ ቤት ተለቅቆ የቁም እስረኛ ተደረገ
የካቲት 17, 2022

ከቁም እስር ነፃ ተደረገ፤ የጉዞ ክልከላ ተጣለበት
መስከረም 15, 2022

ክሱ በፍርድ ቤት መታየት ጀመረ

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች