Azi nari ema ingumʉ́n du ʉnkʉriwiʉkwéy nanʉnno
Ema papériri iʼngwi Jeuwá sí gaʼyeyka ɉinasin riwía awkwa nanʉndi jw.org -seʼ mikʉgaʼnaya awʉngwasi ʉnkʉsisa awkwa.
IʼNGWI NAʼBARI
Kʉnowkwa gugín aʼgwa awkwa. Gaʼkʉnamʉ aʼzarunhamʉ kawʉn nugeyka (1) awiri Bibriaseʼ aʼgwakamʉ kawʉn nugari (2) ɉwaʼsʉkwéy kawʉn nuga ni. Bibriaseʼ aʼgwakamʉ kawʉn nugari ima ni awanʉkwéy kawʉn nuga ni.
MOWGA NAʼBARI
«Ingumʉ́n riwiʉkwasi» yaʼbari (3), imaʼba pari eygwi ʉnkʉrigawí nanʉngwa sí wásʉya ni. Gaʼkʉnamʉ awʉtari aʼzʉnari izʉnchʉnhʉkwéy kawʉn nuga ni (4). Ey ʉwameʼ, ingumʉ́n migʉnchonʉkwéy nanʉngwasi, Bibriaseʼ aʼgwa awkwa nanʉn nuga aʼgwa awiri widew (5),
wiʼ nuga (6) sékʉnʉn awkwa. Ey awi, «iʼngwiné yeykari» yaʼbari (7) nʉʼn azi nari gaʼkʉnamʉ aʼwesʉkwéy nʉkʉnanʉnno meʼzari aʼzarunha awkwa.
MÁYKɄNɄ NAʼBARI
«Rigawiʉwa neyka» awiri «rigʉnchunhasʉn» í (8) aniwísiya ni. Ey awi, aya ɉwiaseʼ iwisa ukwin aʼsa awkwa. «Ukumʉngwa neyka» yaʼbari (9) nʉʼnkʉriwiana ayéy ʉnkuzoya ʉweʼri, meʼzʉna nʉnkaʼsa awʉngwasi na ni. Ey awi, «ingumʉ́n izataka awkwa» yaʼbari (10) paperi awiri widew mikaʼmʉkanʉkwéy neyka nʉchwʉngwasi neyka ni.
Bibriaseʼ tasi riwía awkwasi
Bibriari libro (1), kʉnowkwa (2) awiri reʼníkwʉya (3) kʉnʉna ni. Ema nariza nʉndi, Juan 17:3. Juanri libro naʼnʉnno, 17 kʉnowkwa neyka ni awiri 3 reʼníkwʉya neyka ni.
