Jeuwá sí gaʼyeyka ɉina ʉnníʼkumi windiwiʉya
Niwi ʉnhaniʼkumʉyekʉ rigawiʉya sí ingumʉ́n riwía ú. Ma nʉkwʉyaʼba pari mʉchéy ʉnhaniʼkumʉyaʼba taka ú.
Niwi ʉnhaniʼkumʉyáʼbari azi aniga no
Manʉnkaʼ Jeuwá sí gaʼyeyka ɉinari Niwipáw kaʼmʉkanʉkwasi semana zʉnʉkin mówmʉrʉ ʉnhaniʼkumʉya ni (Hebreos 10:24, 25). Bema neki zweykwéy neyka ni. Imáʼbari Bibria sí rigawiri ayéy kinki uzwein nʉngwa kʉzʉna ni.
Eymi ʉnhaniʼkumʉyáʼbari iʼmʉneʼri zasikuma ʉweʼri, gaʼkʉnamʉ ʉnkiwe awʉn meʼɉunʉndi, awkwéy na ni. Ipekumʉngeʼ awiri iwikumʉngeʼ Niwipáw kaʼzamaya awiri gwamʉ ʉnkaʼsisa kinki ukumʉya ni.
Ʉnhaniʼkumʉyékʉri Jeuwá sí gaʼyeyka nanuʼ nenʉnki zweykwéy neyka ni. Zasanamʉ kauʼ neyka ni awiri ɉwi neki síkumuʼ aneyka ni.
Ema miguzʉngwi awiza ni
ɄNHANIʼKUMɄYɄN
Ʉnhanikumʉyékʉri azi aniga no
Niwi ʉnhani’kumʉyekʉ aʼwaka awkwa eymí aniganá me’zʉn awʉngwasi.