DUNGU 01
¿Chem cümeque ngülam peabüimi Biblia mu?
Epe com ramtuuquiiñ chemu mongeliiñ, chemu cutrancauquiiñ, chemu laquiiñ, chumcülepoai taiñ mongen. Cabei duamniiñ quimal cheu ca chumngechi taiñ peal mongehue ca chumngechi ayüucüleal taiñ pu che. Alün che pequingün tübachi quimün ca ngülam Biblia mu. ¿Eimi chem pimi? ¿Pepeabüimi cai mai?
1. ¿Chem alünque ramtun lloungequi Biblia mu?
Biblia llouqui tübachi cümeque ramtun: ¿chemu mongeliiñ?, ¿cheu cüpaiñ?, ¿chemu cutrancauqui cüme piuquengechi che?, ¿chumletuqui lachi pu che?, iñi no ume ayüquelai hueichan ¿huelu chemu bentreli?, cüpalechi antü mu ¿chem upaai Mapu mu? Cümeabüi tami ramtuhual tüba, alün che pequingün tübachi quimün Biblia mu.
2. ¿Chumngechi quelluqueiñmu (incaqueiñmu) Biblia cüme upaleal taiñ mongen mu?
Biblia eluqueiñmu cümeque ngülam. Eipiqueiñmu chumngechi ayüucüleabüimi tami pu che mu, chumabüimi bill raquiduamcülelmi, chumngechi ayüucüleabüimi tami cüdau mu. Ngütramcalmi tami quimelelquetu Biblia, quimpoaimi com tübachi ngülam ca quimün. Bemngechi raquiduamaimi “com Huiriconcülelu [Biblia mu] quimelelqui re cümeque dungu” (2 Timoteo 3:16).
Tübachi papil Biblia ngelai, huelu quelluabeimu tami quimal Biblia. Beimu huebpale quiñe huirin Biblia mu tripalu quintuabüimi. Bemngechi quimaimi rübngen Biblia mu mülelu.
DOI CÜME QUIMNGE
Biblia, ¿chumngechi quelluquebi tati pu che?, ¿chumngechi ayühun mu papiltuabüimi?, ¿chemu duamniiñ taiñ quellungeal?
3. Biblia ngüyulqueiñmu
Biblia pelon reque müli. Chem ume cüpa bemliiñ ca chem ume cüpa quimliiñ üyepülemu (cüpalechi antü mu), peabüiñ Biblia mu.
Papiltoiñ Salmo 119:105. Papiltungele hula ngütramcaabiiñ tübachi epu ramtun:
-
Tübachi huirintuculu tati salmo, ¿chem raquiduamquebüi Biblia mu?
-
Eimi, ¿chem raquiduamquimi Biblia mu?
4. Biblia llouqui taiñ ramtun
Quiñe domüche pei Biblia mu billque ramtun tañi niequebel. Quintulbe tati VIDEO. Quintulngele hula ngütramcaabiiñ tübachi epu ramtun:
-
Video mu, ¿chem ramtun niequebüi tübachi domüche?
-
Papiltulu Biblia, ¿chumngechi quellueyu?
Biblia eipiqueiñmu taiñ ramtuhual. Papiltoiñ Mateo 7:7. Papiltungele hula ngütramcaabiiñ tübachi ramtun:
-
¿Chem ramtun niimi tami llohuatu Biblia?
5. Ayühun mu papiltobüimi Biblia
Alün che ayühun mu papiltuqui Biblia ca pequi cümeque dungu. Quintulbe tati VIDEO. Quintulngele hula ngütramcaabiiñ tübachi epu ramtun:
-
Video mu, pu huechequeche ¿chem raquiduamquebüingün papiltun mu?
-
Nehue ayünobüle ume papiltol engün, ¿chemu beula ayüquingün tañi papiltol Biblia?
Biblia eipiqui taiñ eluatu quimün, yabüluhun ca maneluhun. Papiltoiñ Romanos 15:4. Papiltungele hula ngütramcaabiiñ tübachi ramtun:
-
¿Ayüabüimi tami quimal tati maneluhun mülelu Biblia mu?
6. Quellungeabüiñ taiñ adümal Biblia
Caque quiñeque iñchiñ papiltobüiñ Biblia, huelu ca bemngechi cümeabüi taiñ quellungeal. Papiltoiñ Hechos 8:26-31. Papiltungele hula ngütramcaabiiñ tübachi ramtun:
-
¿Chumngechi adümabüiñ Biblia? (Quintulbe versiculo 30 ca 31).
Quiñe huentru cüpalu Etiopía pingechi mapu mu, duamyebüi quellungeal adümal tañi papiltuquebel. Alün che eipiqui tañi cümen papiltol Biblia cangelu engu.
QUIÑEQUE CHE EIPIQUI: “Chem no ume entulaabüiñ papiltuliiñ Biblia”.
-
¿Chem pimi? ¿Chemu?
CHEM PEIÑ TÜBAMU
Biblia eluqui cümeque ngülam taiñ mongen mu, llouqui cümeque ramtun ca eluqueiñmu yabüluhun ca maneluhun.
Chem quimeleleiñmu tüba
-
¿Chem cümeque ngülam peabüiñ Biblia mu?
-
¿Chem ramtun lloungequi Biblia mu?
-
¿Chem cüpa quimimi Biblia mu?
DOI QUIMABÜIMI
Biblia quellubi quiñe huentru niequebülu hueñancün ca cutrantupiuquen püchü campungelu.
Papiltube cümeque ngülam Biblia mu tami pu che ngelu.
“12 ngülam ñi ayüucüleal tami pu che” (¡Tami quimabel!, num. 2 2018)
Alün che quimlai iñi ngüneni Mapu, huelu ¿chem quimelelqui Biblia?
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
