Fentren che cüdautuquei ñi puhulcayal ñi plata afchi cüyen. Fei rupan mu huesaque dungu, doi cüdaungequetui. ¿Chumngelu?

• Rupan mu fütra huesaque dungu, doi falitui ti iyael ca ti arriendo.

• Pu che ñamümquei tañi cüdau cam cullingequei doi pichin plata.

• Rupan mu fütraque nüyün ca cürüftucu mahun teifünagquei pu che tañi ruca, tañi negocio ca com tañi nieel engün. Feimu fentren che doi pofrequei.

• Cüme adcünulmi tami plata, cüme pepicaucüleaimi acurumele fütra huesaque dungu.

• Loncontucunge tüfa: tami sueldo, tami ngülümnieelchi plata ca tami nieel pürüm falihuetulayafui.

• Tunten plata nieafui rume quiñe che, pepi ngillalayafui ñi ayüucüleal ca ñi quiñeucüleal tañi pu che.

Biblia feipi: “Nieliyiñ taiñ iyael ca nieliyiñ ta tacuhun taiñ tucutuucüleal, feimeu felei taiñ cüme duamcüleal” (1 Timoteo 6:8).

Nieliyiñ chem taiñ duamnieel taiñ mongeleal, fei mai ta cüme duamcüleaiñ. Tüfa doi falin-ngei nielmi doi pichin plata.

Tami ayüucüleal, eluhuaimi tami gastayal doi pichin plata. Ngillalmi rume falichi chemcün, pepi cullilayaimi chi, fei doi fillaleaimi.