Epe com che quimniei ñi cümelcalen cam ñi cümelcalenon quiñeque dungu. Por ejemplo, fentrenque che condenaquefi ti nüntucan dungu, ñi nüntuafiel pu pichiqueche ca ti langümchen. Huelu saquiquefi pu che piuqueyen chengelu, cutranpiuqueyechengelu ca nor dungu femquelu. Huelu, ¿chem raquiduamquei pu che caquelu dungu mu? Por ejemplo, cudumuhun dungu mu, coilatun dungu mu ca chumngechi tremümngeal pu pichiqueche. Fentren engün feipiquei chuchi rume ñi femal cümelcalei. Feimu fentren che cümelu troquifingün quisu tañi raquiduamqueel cam caquelu che ñi feipiqueel. Huelu, ¿cümepei mai taiñ femngechi femal?

Fentrenque rupa eluuqueiñ taiñ femal ñi feipiqueel taiñ raquiduam (Romanos 2:14, 15). Pu pichiqueche cütu ngüneduamquei norngenon quiñe dungu, ca culpatuuqueingün huesalcalu engün. Cafei petu taiñ tremcülen, adquintuquefiyiñ pu che taiñ hualloñmanieteu, femngechi quimnierpuiñ chem ñi cümen ca chem ñi cümenon. Ti religion taiñ coneltulen ca feipiafeiñmu taiñ chem chumal. Fei chumliyiñ rume, trürümquefiyiñ taiñ femün ca taiñ quimeltungequeel. Fei taiñ raquiduam feipiqueiñmu ñi cümelcalen cam ñi cümelcalenon taiñ dulliel.

Taiñ raquiduam nengümafeiñmu taiñ duamtuafiel pu che, taiñ mañumchefengeal, taiñ nor chengeal ca cutranpiuqueyechefengeal. Ca quelluafeiñmu femnoal huesaque dungu, femngechi huesa duamel-layafiyiñ taiñ piuqueyen che, yehuentucuulayaiñ ca culpatuulayaiñ.

Inanieafiel taiñ raquiduam, ¿rumel cümepei mai? Peafiyiñ chem ñi rupan ta quiñe huentru Garrick pingelu. Huechengelu, eluhui ñi yenieal ñi mongen quisu tañi raquiduam mu. Rupachi antü mu ngüneduami huesa amulei tañi mongen, ayühun-ngechi mongen nielafui. ¿Chumngelu? Coni pod cudumuhun mu, drogatuquefui, ngollifengefui ca quehuatuchefengefui.

Quiñeque mu, iñchiñ inaquefiyiñ taiñ raquiduam, huelu ca femqueiñ chem ñi raquiduamqueel caquelu che. ¿Chumngechi quelluqueiñmu tüfa? Cümelcayafeiñmu tañi quimün engün ca chem ñi rupan tañi mongen mu. Cafei femliyiñ chumngechi raquiduamquei taiñ familia, taiñ pu hueni ca tati pu che mülelu taiñ lof mu, yamniengeaiñ.

Inayentufiliyiñ caquelu che ñi raquiduam, ¿rumel quellupeafeiñmu mai? Peafiyiñ ñi rupan ta Priscila. Üllcha domongelu, quisu inayentuquefi ñi pu hueni. Fei engün cümelu troquiquefui cudumuhual petu ñi nieunon. Huelu quisu quimürpui tüfa ayühuel-laeyu. Fei feipi: “Inayentufilu iñche caquelu che, cüme duamcülelafun. Conün huesaque dungu mu ca cuñihun-ngechi dungu mu”.

Iñchiñ taiñ raquiduam ca caquelu che ñi raquiduam quelluafeiñmu chi taiñ cüme dullial. Huelu tüfachi epu dungu müten inaliyiñ, rumel cüme tripalayai taiñ femel. Quiñeque mu, pepi inaduamquelaiñ taiñ cutrancahual cam taiñ cutrancayafiel caquelu che (Proverbios 14:12). Iñchiñ taiñ raquiduam ca caquelu che ñi raquiduam cümelu troquiafuiñ, huelu huelulcahuafuiñ chi. Cafei rupalechi antü mu, caletuafui ñi raquiduamqueel pu che. Mülei quiñeque dungu cuifi mu cümenolu troquingequefui, huelu feula cümelu troquingequei. Ca quiñeque dungu cümelu troquingequefui, huelu feula cümenolu troquingetui.

¿Mülepei mai quiñe cüme quellu taiñ quimelaeteu chem tañi cümen ca chem tañi cümenon? ¿Peafuiñ manelfalchi ngülam taiñ quelluaeteu cüme dullial?

Mai, felei llemai. Mülei manelfalchi quellu doi cümelcaquefilu com pu che mapu meu. Cüpalechi troquiñ pengelaiñmu cheu taiñ peal tüfachi quellu, femngechi taiñ cüme dullial.