KIMELTUN 14
¿Chumgelu Dio ñi pu kona müley ñi kiñewküleal ñi küdawelafiel Dio?
1. ¿Chumgelu (chemu) Dio küme adkünufi kuyfike Israelche ñi kiñewküleal ñi küdawal?
Dio entuy ka adkünuy ñi longko Abraam mew kiñe fütra trokiñ ñi pu choyüm (eluwpa) mew, ka elufi fentren ley dungu. Tüfachi fütra trokiñche, Dio üytufi “Israel”, elfalkünufi ti rüf poyentun, ka tañi Dungu (Salmo 147:19, 20). Feymew kom pu che mülelu kom wall Mapu mu, llowafuy kümelkan Israel ñi rangiñelwe ngen. Chillkatunge Hecho 3:25.
Dio dullifi (ngümintufi) tati pu Israelche ñi dungual engün kidu ñi dungu mu. Israelche ñi rupan kuyfi mew, pengeli ñi feyentungeel Dio ñi pin mu, kümeke dungu triparpukey (Deuteronomio 4:6). Femgechi, pu Israelche mu, kakelu pu che kimürpuy ti rüfgechi Dio. Chillkatunge Isaías 43:10, 12.
2. ¿Chumgelu (chemu) pu rüf kristiano trawükey ñi küdawelafiel Dio?
Israelche ñamlu ñi füreneetew Dio, Jewba weluntükufi kakelu trokiñ che, pu kristiano pingelu (Matew 21:43; 23:37, 38). Feymu lle, famülke mew chi pu rüf kristiano poyeniekefilu Jewba tati pu dungukelu kidu mew, welu pu Israelche no. Chillkatunge Hecho 15:14, 17.
Jesu adkünufi ñi pu inaniekeetew ñi femal ti küdaw ñi amul dungual, ka ñi disipulungeal engün kom mapu püle (Matew 10:7, 11; 24:14; 28:19, 20). Famülke mew pichilewechi antü tüfachi mapu mew müleyechi dungu, dew puwküley tañi wechutriparpual. Chumkaw no rume pengekelafuy tüfachi dungu chumgechi famülke mew pekeiñ, Jewba trawülmeken rume fentren che kom mapu püle ñi kiñewküleal kiñe rüf religion müten (Apokalipsi 7:9, 10). Tati pu rüf kristiano koneltukey kiñe kiñewkülechi trokiñ, ta kelluwafuyngün ka welukentu yafüluwafuyngün. Kafey, ñi trawün mu, kom trür llowingün kiñe adkünungechi Biblia kimeltun. Chillkatunge Ebrew 10:24, 25.
3. Famülke mew, ¿chumgechi tuwingün pu Dungukelu iney (iñi) ngen Jewba?
Fül 1870 tripantu mu, kiñe pichi trokiñ che chillkatukelu Biblia wiño petufingün rüf dungu mülelu Biblia mu, ellkalekefulu fentren tripantu mu. Kimi engün Jesu küme pepikafi ti wünen pu kristiano ñi amul dungual ñi werkün dungu, feymu lle amuyngün ñi küdawal ñi diturpuafiel kom Mapu püle ñi kimelafiel ti Reino ñi werkün dungu. 1931 tripantu mu üytuwi engün pu Dungukelu iney (iñi) ngen Jewba (testigos de Jehová). Chillkatunge Hecho 1:8; 2:1, 4, 11, ka 5:42.
4. ¿Chumgechi pepikawküleyngün ñi dungu mew pu Dungukelu iney (iñi) ngen Jewba?
Wünen siglo mu, mülekefuy kiñe trokiñ wentru adümüwlu ka kimke wentru peyawülkefuy kom trawülukelu kristiano fill mapu mülelu. Feychi pu wentru kimniey Jesu ñi Longkolen kom trawülukelu mu (Hecho 16:4, 5). Ka femgechi, tati pu Dungukelu iney (iñi) ngen Jewba kellukeeyew feychi Kiñewkülechi Ngünenielu pingey, koneltuley pu adümniechi kristiano, peyawülmekefilu kom sukursal (pu kompañ ñi kellukeetew) kom mapu püle. Tüfakechi sukursal mu, rulpakefi kakelu kewün mew, wirinentukey ka wülkey fentren papel tuwüngelu Biblia mu, doy kayu pataka kewün mu. Pünekey ti Biblia, ti Kiñewkülechi Ngünenielu wülkey yafüluwün ka ngüyulün doy pataka warangka trawülukey, chew ka müley pepiluwchi wentru piwkeyen mu kelluniefingün Dio ñi pu che. Chillkatunge 1 Pedro 5:2, 3.
Tati pu Dungukelu iney (iñi) ngen Jewba pepikawküleyngün ñi dungu ñi kimeltuafiel Biblia ñi kümeke dungu, ka ñi kelluafiel ta che ñi disipulongeal. Chumgechi femkefuy pu apostol, fey femekeyngün ñi amul dungun fillke ruka (Hecho 20:20). Ka kimeltufingün Biblia dungu kom che piwkeyenielu ti rüf dungu. Welu tati pu Dungukelu iney ngen Jewba kiñe trokiñ religioso müten no. Iñchiñ kiñe reñmawen reke ngeiñ, ka nieyiñ kiñe sakiñ Chaw. Koneltuleiñ pu peñi ka pu lamgen ta küme ngüneytuniewi engün welukentu (2 Tesalonisense 1:3). Dio ñi pu kona pepikakünungey ñi newentuküleal ñi ayüduamelafiel Dio ka kelluafiel kakelu che, feymu doy ayüwkülechi reñma ngey kom Mapu püle. Chillkatunge 1 Pedro 2:9, ka Hecho 20:35.
