QUIMELTUN 01
Ñi feipin Biblia, ¿quellupeafeimu mai?
Eimi ramtuuqueimi chi: “¿Chumngelu a fente cutrancauqueiñ? ¿Chumngelu laquei che? ¿Chumlerputuai taiñ mongen?”. Cafei eimi ayüqueimi cüme feleal tami familia eimün ca nieal tami duamnieel. Fei, ¿chem quelluafeimu? Biblia rüf quelluafeimu, hulquei cümeque ngülam ca huiñoldunguquei falinque ramtun. Fentren che quimün mu Biblia ñi feipin, rüf quellueyu. Fei Biblia ñi ngülam, ¿quellupeafui ta che? ¿Chem pimi cai?
1. ¿Chem ramtun am huiñoldunguquei Biblia?
Fentren che ramtuuquei: “¿Cheu chi tuhurqueiñ? ¿Chumngelu elngei che Mapu mu? ¿Chumngelu sufriquei che? Lan mu che, ¿chumletuquei? ¿Chumngelu mülei fütraque quehuan huall Mapu meu? ¿Chumletuai tati Mapu cüpalechi antü meu?”. Femngechi ramtuhulmi, eluunge tami cüme quimafiel Biblia ñi feipin. Femngechi huiñoldungungeai com tami ramtuuqueel.
2. Ñi feipin Biblia, ¿quelluafeimu tami ayüucüleal?
Femquei llemai. Biblia ñi ngülam quelluqueimu ayüucüleal tami familia engün. Cafei quimeleimu chem chumal fill raquiduamcülelmi. Ca quelluqueimu ayüucüleal tami cüdau mu. Estudiafilmi tüfachi papel, doi quimaimi Biblia ñi feipin fillque dungu meu. Fei quimtucuaimi “com tati huiriconcülechi dungu [Biblia meu] rume cümei” (2 Timoteo 3:16).
Tüfachi papel Biblia mu trürlai. Huelu quelluaimu tami doi quimafiel ñi feipin. Feimu tripale quiñe troquiñ Biblia meu, papeltufinge ca raquiduamnge chumngechi ñi nüucülen tami estudiamequeel mu.
DOI QUIMAIMI
¿Chumngechi quelluqueiñmu Biblia? ¿Chumngechi doi ayüfalngeafui tami papeltufiel Biblia? ¿Chumafuimi tami doi adümafiel ñi feipin? Doi ngüneduamaiñ tüfa.
3. Tati Biblia adnieafeiñmu
Tati Biblia quiñe linterna reque felei. Ñi feipin pelontuqueiñmu reque, femngechi taiñ cüme dullial chem chumal. Huelu fei ca müten no, ca pengeleiñmu chem ñi rupayal cüpalechi antü meu.
Papeltuaiñ Salmo 119:105, ca ngüneduamaiñ tüfachi epu ramtun:
-
Tati huentru huirintuculu tüfachi troquiñ, ¿chumngentuquefui tati Biblia?
-
Eimi cai, ¿chumngentuquefimi tati Biblia?
4. Ti Biblia huiñoldunguquei taiñ ramtuuqueel
Quiñe domo fillque dungu ramtuuquefui, huelu quimürpui ñi feipin Biblia, fei pei manelfalchi huiñoldungun. Peaiñ ti VIDEO, ca ngüneduamaiñ tüfachi epu ramtun:
-
Tüfachi domo, ¿chem ramtuuquefui?
-
Papeltufilu ti Biblia, ¿chumngechi quellueyu?
Chumngechi quimeltuquei Biblia, fentecünulayaiñ taiñ ramtual. Papeltuaiñ Mateo 7:7, ca ngüneduamaiñ tüfachi ramtun:
-
Ti Biblia fillque dungu quimeltuquei. Fei eimi, ¿chem chumafuimi tami doi quimal?
5. Ayüfalngepe tami papeltufiel Biblia
Fentren che ayüquei papeltual Biblia, ñi feipin rume quellueyu. Peaiñ ti VIDEO, ca ngüneduamaiñ tüfachi epu ramtun:
-
Pu huechequeche, ¿ayüquepei mai ñi papeltual?
-
Pu hueche müte ayünolu rume ñi papeltual, huelu ¿chumngelu fente ayühulqueyu papeltuafiel Biblia?
Biblia tañi ngülam quelluqueiñmu taiñ nehuentuleal ca taiñ maneluucüleal. Papeltuaiñ Romanos 15:4, ca ngüneduamaiñ tüfachi ramtun:
-
Biblia quimeltuquei falinque cuifique dungu taiñ maneluucüleal ca nehuentuleal, ¿ayüafuimi quimal tüfa?
6. Caquelu che quelluafeimu tami adümafiel Biblia
Eimi quisu papeltuafuimi Biblia, huelu müna cümeafui tami papeltual quiñe che engu, fei tami quelluaeteu. Papeltuaiñ Hechos 8:26-31, ca ngüneduamaiñ tüfachi ramtun:
-
¿Chumngechi fente cüme adümafuimi ñi feipin Biblia? (Pefinge Hechos 8:30, 31).
Ti Etiopía huentru duamniefui ca che ñi quimelaeteu Biblia. Ca femngechi fachantü, quellungelmi tami estudiayal Biblia müna quelluafeimu.
QUIÑEQUE CHE FEIPIAFEIMU: “Estudiafilmi Biblia, ngünam femafuimi tati”.
-
¿Chem piafuimi cai? ¿Chumngelu femngechi huiñoldunguafuimi?
TAMI QUIMEL
Tati Biblia hulquei falinque ngülam, quelluqueiñmu taiñ quimal falinque dungu. Cafei ñi feipin nehuentucuqueiñmu ca quelluqueiñmu taiñ maneluhual.
¿Chem piafuimi?
-
¿Chem cümeque ngülam hulquei Biblia?
-
¿Chem ramtun am huiñoldunguquei Biblia?
-
¿Chem dungu ayüafuimi tami quimal Biblia mu?
CA PEAFUIMI
Ngüneduamnge chumngechi quelluafeiñmu Biblia ñi ngülam.
“Biblia kellukeeiñmu kuyfi tuwün-ngelu rume” (Ti Huerquen num. 1, 2018)
Quiñe huentru che troquiuquelafui. ¿Ayüafuimi quimal chumngechi quellueyu Biblia? Pefinge ti video.
¿Chumngechi ayüucüleafui pu familia? Ngüneduamfinge 12 ngülam ñi hulqueel Biblia.
“12 ngülam ñi ayüucüleal pu familia” (¡Tami quimafel! num. 2, 2018)
¿Inei am rüf ngüneniei Mapu? Pefinge chem quimeltuquei Biblia.
¿Chumngelu am mülei tami chillcatual ta Biblia? (alüchi video) (3:14)
a Chemu.
Eimi ca ayüafuimi
DOI RUPA ÑI RAMTUNGEQUEEL
¿Chem am tati chillcatun Biblia?
Tami chillcatual pu testigo engün püneafuimi chem Biblia rume. Cafei mangelafuimi tami pu familia ca hueni tamün quiñentrür chillcatual Biblia.
