Mai. Pu Dunguquelu Ineingen Jehová raquiduamqueingün com ti Biblia “huiringei Ngünechen tañi adcünuel ca ñi piel meu, feimeu rume cümei” (2 Timoteo 3:16). Tüfa feipingei tati Antiguo ca ti Nuevo Testamento. Pu Dunguquelu Ineingen Jehová ñi pengelal petu ñi falin-ngen ti Antiguo Testamento, üituquefingün Hebreo Huirintucun, ca tati Nuevo Testamento üituquefingün Griego Huirintucun.

 Chau Ngünechen ñi duam mu, ti apostol Pablo huirintucui: “Com tati cuifi huirintucuelchi dungu ta Huirin Chillca meu, huirintucungei iñchiñ taiñ quimeltungeal” (Romanos 15:4). Feimu lle, tati Hebreo Huirintucun niei falin-ngechi dungu taiñ quelluaeteu. Tüfa mu mülei falinque ngülam, falinque dungu rupalu cuifi mu ca fillque dungu.

•   Falinque dungu rupalu cuifi mu: Tati Hebreo Huirintucun mu cüme pengeli Chau Ngünechen ñi cüme elcünufiel ti Mapu ca chumngechi tati pu che culpafe chengerpuingün. Tüfa quelluqueiñmeu quimal taiñ tuhun ca chumngelu laqueiñ (Génesis 2:7, 17). Ca femngechi tüfachi troquiñ Biblia meu pengeleiñmu chumngechi cuifi mu Chau Ngünechen quellufi tati pu che rupalu fillque dungu mu, iñchiñ reque (Santiago 5:17).

•   Falinque ngülam: Tati lifru Proverbios ca Eclesiastés mülei ti Hebreo Huirintucun mu, tüfa niei fentren cümeque ngülam iñchiñ taiñ mongen famülque meu. Pengeleiñmu chumngechi ayüucüleal taiñ pu che (Proverbios 15:17), cüme duam mu ñi cüdahual (Proverbios 10:4; Eclesiastés 4:6), ca chumngechi yenieal ñi mongen pu hueche tañi ayüucüleal (Eclesiastés 11:9–12:1).

 Cafei, quelluafeiñmeu chillcatual Moisés tañi Ley dungu, mülelu tati hunenque quechu lifru Biblia meu. Pu inaniequefilu ta Jesús dicümtuculelaiñ taiñ inayal feichi Ley, huelu tañi ngülam quelluafeiñmu taiñ ayüucülerpual (Levítico 19:18; Deuteronomio 6:5-7).