আমি সকলোৱে আনন্দত থাকিব বিচাৰোঁ। কিন্তু আমাৰ মনলৈ কিছুমান প্ৰশ্ন আহে। যেনে, আমি কিয় দুখ-কষ্টৰ সন্মুখীন হৈ আছোঁ? ভৱিষ্যতে পৃথিৱীখনৰ কি হʼব? আমি নিজৰ পৰিয়ালৰ প্ৰয়োজনীয়তা কেনেকৈ পূৰ কৰিম আৰু তেওঁলোকক কেনেকৈ আনন্দত ৰাখিম? এনেধৰণৰ প্ৰশ্নই আমাক চিন্তিত কৰি তোলে। কিন্তু আনন্দৰ বিষয় যে আপুনি এই প্ৰশ্নবোৰৰ উত্তৰ ঈশ্বৰৰ বাক্য বাইবেলত বিচাৰি পাব আৰু সমস্যাৰ সময়ত কেনেকৈ আনন্দত থাকিব পাৰে, সেয়াও জানিব পাৰিব।

১. বাইবেলত কি কি প্ৰশ্নৰ উত্তৰ দিয়া হৈছে?

বাইবেলত কিছুমান গুৰুত্বপূৰ্ণ প্ৰশ্নৰ উত্তৰ দিয়া হৈছে। যেনে, জীৱনৰ আৰম্ভণি কেনেকৈ হʼল? আমাৰ জীৱনৰ উদ্দেশ্য কি? ভাল মানুহৰ লগত অন্যায় কিয় হয়? মৃত্যু হʼলে এজন ব্যক্তিৰ কি হয়? যদি সকলোৱে শান্তি বিচাৰে, তেনেহʼলে লোকসকলে যুদ্ধ আৰু হাই-কাজিয়া কিয় কৰে? ভৱিষ্যতে এই পৃথিৱীখন ধ্বংস হʼব নেকি? আজি বহুতোলোকে বাইবেলৰপৰা এই প্ৰশ্নবোৰৰ উত্তৰ জানি শান্ত্বনা লাভ কৰিছে আৰু আপুনিও এই প্ৰশ্নবোৰৰ উত্তৰ জনাটো ঈশ্বৰে বিচাৰে।

২. বাইবেল পঢ়িলে আমি কেনেকৈ লাভৱান হʼম?

বাইবেলত বহুতো ভাল পৰামৰ্শ দিয়া হৈছে। যেনে, ইয়াত কোৱা হৈছে যে পৰিয়ালৰ প্ৰতিজন লোকে কেনেকৈ আনন্দত থাকিব পাৰে। যেতিয়া চিন্তাই আমাক আগুৰি ধৰে, তেতিয়া আমি কি কৰিব পাৰোঁ আৰু চাকৰিত কিবা সমস্যা আহিলে আমি কি কৰিব পাৰোঁ। ইয়াৰ উপৰিও, বাইবেলত আৰু বহুতো বিষয় উল্লেখ আছে। যদি আমি এই কিতাপখন একেলগে মিলি আলোচনা কৰোঁ, তেনেহʼলে আপুনি বুজিব পাৰিব যে বাইবেলত লিখা সকলো কথা আমাৰ বাবে “লাভজনক।”—২ তীমথিয় ৩:১৬, ১৭.

৪. বাইবেলে আমাৰ প্ৰশ্নবোৰৰ উত্তৰ দিয়ে

 ৫. বাইবেলখন এবাৰ পঢ়ি চাওক, আপোনাক নিশ্চয় ভাল লাগিব

৬. আনৰ সহায় লৈ আপুনি বাইবেলখন ভালদৰে বুজিব পাৰে

কিছুমান লোকে নিজে বাইবেল পঢ়াৰ লগতে আনৰো সহায় লয়। এইদৰে তেওঁলোকে বাইবেলখন ভালদৰে বুজিব পাৰিছে। পাঁচনিৰ কৰ্ম্ম ৮:২৬-৩১ পঢ়ক, তাৰ পাছত নিম্নলিখিত প্ৰশ্নৰ ওপৰত আলোচনা কৰক:

• আপুনি কেনেকৈ বাইবেলখন ভালদৰে বুজিব পাৰে?—৩০ আৰু ৩১ পদ চাওক।

 আমি কি শিকিলোঁ

সমস্যাৰ সন্মুখীন হʼবলৈ বাইবেলে আমাক সহায় কৰে। ইয়াত বহুতো গুৰুত্বপূৰ্ণ প্ৰশ্নৰ উত্তৰ দিয়া হৈছে। বাইবেলখন পঢ়ি আমি শান্ত্বনা আৰু ভৱিষ্যতৰ বাবে আশা লাভ কৰোঁ।

আপুনি কেনেকৈ উত্তৰ দিব?

• আমাৰ মনলৈ অহা চিন্তা-ভাৱনা দূৰ কৰিবলৈ বাইবেলে কেনেকৈ সহায় কৰে?

• বাইবেলত কি কি প্ৰশ্নৰ উত্তৰ দিয়া হৈছে?

• আপুনি বাইবেলৰপৰা কিহৰ বিষয়ে জানিব বিচাৰে?