Apocalipsis 7:1-17
7 Ukatjja pusi angelanakaruw uñjta, uka angelanakajj oraqen pusi esquinanakapan saytʼatäsipkänwa, oraqen pusi thayanakapwa katjjasisipkarakïna, ukhamat jan kuna thayas oraqjjaru, lamar qotjjaru ni kuna qoqjjarus* thaytʼaniñapataki.
2 Inti jalsu toqet mistunir yaqha angelaruw uñjarakta, uka angelajj jakkir Diosan sellop aptʼatänwa. Ukatsti kawkïr pusi angelanakarutï oraqempiru lamar qotampir jan wal lurañatak munañanïñajj churatäkäna ukanakaruw wali jachʼat artʼäna,
3 akham sasa: “¡Oraqerusa, lamar qotarusa, qoqanakarusa* jan kuna jan wals lurapjjamti, Diosasan esclavonakapar paranakapat+ sellañ tukuyapkä ukapachkama!”+ sasa.
4 Qhawqhanis sellatäpjjäna ukwa nayajj istʼta, 144.000*+ Israelan taqe tribunakapat sellatäpjjäna:+
5 Judá tributjja 12.000* sellatanaka;Rubén tributjja 12.000 sellatanaka;Gad tributjja 12.000 sellatanaka;
6 Aser tributjja 12.000 sellatanaka;Neftalí tributjja 12.000 sellatanaka;Manasés+ tributjja 12.000 sellatanaka;
7 Simeón tributjja 12.000 sellatanaka;Leví tributjja 12.000 sellatanaka;Isacar tributjja 12.000 sellatanaka;
8 Zabulón tributjja 12.000 sellatanaka;José tributjja 12.000 sellatanaka;Benjamín tributjja 12.000 sellatanaka.
9 Ukatjja walja jaqenakaruw nayajj uñjta, jupanakarojj janiw khiti jaqes jaktʼirjamäkänti. Jupanakajj taqe markanakata, tribunakata, kunayman kasta jaqenakata, kunayman aru parlirinakat jutirïpjjänwa,+ trono nayraqatana Cordero nayraqatan saytʼatäsipkarakïnwa. Jupanakajj kayukam purir janqʼo isinakampi isthapitäpjjänwa,+ amparanakapansa palmera ramanak aptʼasitäpjjarakïnwa.+
10 Ukatjja akham sasaw wali jachʼat arnaqasipjjäna: “¡Tronon qontʼatäki uka Diosasampita+ Corderompitwa salvacionajj juti!”+ sasa.
11 Taqpach angelanakajja tronoru, ancianonakaru,+ pusi querubín angelanakar muyuntataw saytʼatäsipkäna, ukatjja trono nayraqatar qonqortʼasisaw Diosar adorapjjarakïna,*
12 akham sasa: “¡Amén! Diosasajj jachʼañchatäpan, jachʼar aptatäpan, yatiñanïpan, yuspäratäpan, honra katoqpan, chʼamanirakïpan, wiñayansa wiñayapataki.+ Amén” sasa.
13 Ukjjarusti ancianonakat maynïrejj akham sasaw jisktʼitu: “Kayukam purir janqʼo isinakampi isthapitäpki ukanakajj+ ¿khitinakäpjjesa, kawkitsa jutapjje?” sasa.
14 Nayajj jankʼakiw jupar akham sista: “Tata, jumaw uk yattajja” sasa. Jupajj sarakituwa: “Jupanakajj jachʼa tʼaqesiñatwa mistunipjje,+ kayukam purir isinakapsa tʼajjsusipjjarakiwa, Corderon wilapampiw uka isinakap janqʼoptayapjje.+
15 Ukatwa jupanakajj Diosan tronop nayraqatankapjje, uruy arumarakiw templopanjja Diosar servisipki. Tronon qontʼatäki uka Diosajja+ jupanakar jarkʼaqañatakiw mä carpa wakichani.+
16 Jupanakajj janiw jukʼampejj manqʼat awtjayasjjapjjaniti ni umatsa pharjayasjjapjjaniti,* janirakiw lupisa nakhantir calorasa jupanakar nakhantjjaniti.+
17 Kuna laykutejj trono taypinkki uka Corderow+ jupanakar awatini,+ jakañ churir uma jalsunakaruw irparakini.+ Diosajj taqe jachanakapwa nayranakapat picharani”.+
Notanaka
^ Jan ukajja, “arboljjarus”.
^ Jan ukajja, “arbolanakarusa”.
^ Jan ukajja, “pataka pusi tunka pusini waranqaniw”.
^ Jan ukajja, “tunka payani waranqa”.
^ Jan ukajja, “yupaychapjjarakïna”.
^ Variante: “wañjayasjjapjjaniti”.
