Proverbios 21:1-31
21 Jehová Diosan amparapanjja reyin chuymapajj jalir umar uñtasitawa,+kawkirutï munki ukaruw jupajj irpi.+
2 Jaqetakejja taqe thakinakapajj cheqapäkaspas ukhamawa,+ukampis Jehová Diosaw jaqenakan chuymap uñanti.+
3 Kunatï cheqapäki askïkaraki uk lurañawJehová Diosarojj jukʼamp kusisiyi, mä sacrificiot sipansa.+
4 Jachʼa jachʼa tukur nayranakasa jachʼa jachʼa tukur chuymasa,jan wali jaqenakar qhantʼir lamparar uñtasitawa, ukampis ukajj juchawa.+
5 Wal trabajtʼir jaqen amtanakapajja sumaruw sarani,+ukampis taqe khitinakatï jan amuytʼasis kuns jankʼak lurapki ukanakajja pobreptapjjaniwa.+
6 Kʼarimpi jikjjatat jila alani yänakajja,*chhaqtaskir urpur uñtasitawa, jiwayir sipitarakiwa.*+
7 Nuwasir jan wali jaqenakaw jupanakarojj tukjapjjani,+kunatï cheqapäki uk jan lurañ munapjjatap layku.
8 Juchanïki uka jaqen thakipajja qʼewinukutawa,ukampis qʼoma chuyman jaqen luratanakapajja cheqapawa.+
9 Terraza* esquinan jakañaw jukʼamp sumajja,jiskhisir* esposampi mä pachpa utan jakañat sipansa.+
10 Jan wali jaqejja jan walinakakwa lurañ munaski,+jaqe masipatsa janiw khuyaptʼayaskiti.+
11 Kunapachatï burlasir jaqer castigaski ukhajja, jan experienciani jaqejj yatiñani jaqeruw tuku,kunapachatï yatiñan jaqejj jukʼamp yateqki ukhajja, kunsa lurani uk yatjjewa.+
12 Cheqapar uñjir Diosajja jan wali jaqen utapjja uñjaskiwa.
Jan wali jaqerusti tukjarakiwa.+
13 Khititï yanaptʼa munir jaqen artʼasitap jan istʼañatak jiñchup lluptʼaski ukajja,jupajj artʼaskani ukhajj janiw kuna yanaptʼsa katoqkaniti.+
14 Jamasat regalo churañajja colerasiñ apjtayiwa,+jamasat qollqe chilltañas wali colerasiñjja apjtayarakiwa.
15 Cheqapar sarnaqer jaqerojja kunatï cheqapäki uk lurañajj kusisiyiwa,+ukampis jan walinak lurir jaqenakatakejja kunatï cheqapäki uk lurañajj janipuniw walïkiti.
16 Yatiñan thakipat saranukur jaqejja,jiwatäpki ukanakamp chikaw samarani.+
17 Kusistʼañak munir jaqejja pobreptaniwa,+vinompiru aceitempiru munasir jaqejja janiw qamiriptkaniti.
18 Jan wali jaqejja cheqap sarnaqer jaqer salvañatakiwa,traicionero jaqejja cheqap sarnaqer jaqe lanti apatäniwa.+
19 Wasaran jakañaw jukʼamp sumajja,jiskhisiri* colerasiri esposamp jakañat sipansa.+
20 Yatiñan jaqen utapanjja wali valorani yänakampi* aceitempiw utji,+ukampis jan amuytʼasir jaqejja ina chʼusaruw utjirinakap tukjani.*+
21 Kunatï cheqapäki uk lurañataki, munasiña jan jaytjasiña uñachtʼayañatak chʼamachasir jaqejja,kunatï cheqapäki uk lurañanjja nayraruw sartani, jakañsa jachʼañchäwsa jikjjatarakiniwa.+
22 Yatiñan jaqejja chʼamaninakan markapjja atipjaspawa,jupanakajj confiyapki uka chʼamsa aynachtʼayaspawa.+
23 Khititï lakapsa lajjrapsa controlaski ukajja,janiw jan waltʼäwinakan uñjaskaniti.+
24 Jachʼachasisa jan amuytʼasis kuns lurir jaqerojja,jachʼa jachʼa tukuri wali wal tukus parliri sasaw sapjje.+
25 Jayra jaqerojja kuntï wal munki ukaw juparojj jiwayani,kuna laykutejj amparanakapajj janiw trabajiñ munkiti.+
26 Jupatakik taqe kuns munañatwa uru jurnälajj lupʼiski,*ukampis cheqap sarnaqer jaqejja taqe chuymaw kuns churi.+
27 Jan wali jaqen sacrificiopatjja Diosajj ajjtasiwa.+
¡Jan wali amtampi* sacrificio loqtatapatjja jukʼampiw ajjtasi!
28 Kʼari testigojj tukjatäniwa,+ukampis wali amuyumpi istʼir jaqerojja testigot saytʼkani ukhajj sumaw sarani.*
29 Jan wali jaqejja jan phenqʼanïtapwa ajanupan uñachtʼayi,+ukampis cheqap sarnaqer jaqejja mä seguro thaknamaw sari.+
30 Jehová Dios contra saytʼañanjja janiw yatiñasa, amuytʼañasa, ewjjtʼasa utjkiti.+
31 Caballojja nuwasiñ urutak wakichtʼatawa,+ukampis salvacionajj Jehová Diosatwa juti.+
Notanaka
^ Jan ukajja, “cosasanakajja”.
^ Ukajja, “jiwañ thaqapki ukanakatakiwa” sasaw jaqokipasirakispa.
^ Jan ukajja, “Uta patjja”.
^ Jan ukajja, “kʼumisiri; quejasiri”.
^ Jan ukajja, “kʼumisiri; quejasiri”.
^ Jan ukajja, “cosasanakampi”.
^ Hebreo arunjja, “utjirinakap manqʼantjjaniwa”.
^ Jan ukajja, “piensaski”.
^ Jan ukajja, “Jan phenqʼani jan walinak lurasin”.
^ Hebreo arunjja, “jaqejja wiñayatakiw parlani”.
