Salmos 60:1-12
Directorataki. “Amtayir lirio panqara” siski ukarjama. Miktam.* Davidan salmopa. Yatichañataki. Aram-Naharaim ukhamarak Aram-Zobá lugaranakankir jaqenakampiw Davidajj nuwasïna, kuttʼasinjja Joab chachajj 12.000 edomitanakaruw Jayu+ sat vallen jiwarayäna. Ukhaw Davidajj aka canción cantäna.
60 Dios Tata, jumajj apanukupjjestawa, aywitatayapjjarakistawa.+
Nanakatakejj coleratäyätawa, ukampis jichhajj ¡wasitat katoqtʼasipjjakitaya!
2 Oraqjja khatatiytawa, payaruw partjaraktajja.
Kʼakʼatäki uka cheqanakjja askichtʼam, kuna laykutejj oraqejj allisiskiwa.
3 Jumaw markamarojj jan walinakamp tʼaqesiytajja.
Khatatiyapkitu uka vino umantayapjjarakistajja.+
4 Jumar ajjsarapktam ukanakarojj mä señal churam,ukhamat escapapjjañapataki ukhamarak flechanakamp jan waktʼayasipjjañapataki. (Sélah).
5 Munat servirinakaman salvatäpjjañapatakejjchʼamamampiy salvapjjeta, oracionanakajarus jaysapjjakitaya.+
6 Santo Diosajj* akham siwa:
“Nayajj wal kusisëjja, Siquem marksa herenciatwa jalanoqarakëjja,+Sucot+ valljja midtʼarakïwa.
7 Galaad oraqejj nayankiwa, Manasés tribus nayankarakiwa,+Efraín tribujj pʼeqejatakejj mä cascowa,Judá tribujj apnaqañatak thujrujawa.+
8 Moab oraqejj jarisiñ fuentejawa.+
Edom oraqerojj wiskhujampiw* jaqtʼäjja.+
Filistea markar atipjasajj kusisitaw arnaqasëjja”+ sasa.
9 ¿Khitirak muyuntat markar* irpitanisti?
¿Khitirak Edomkamajj irpitanisti?+
10 Dios Tata, ¡jumaw atipjayapjjetäta! Ukampis jichhajj apanukupjjestawa.
Nanakan Diosaja, janiw ejercitonakajampejj mistktati.+
11 Llakin uñjasipkta ukhajj yanaptʼapjjakitaya,kuna laykutejj jaqenakan salvatäñajj inamayakiwa.+
12 Diosaw chʼam churistani,+jupaw jiwas contra saytʼasirinakarojj takichasini.+
Notanaka
^ Ukajja, “Sagrado lugarapanjja Diosajj” sasaw jaqokipasirakispa.
^ Variante: “jiskhujampiw”.
^ Ukajja, “jachʼa perqanakan markar” sasaw jaqokipasirakispa.
