6-12 de mayo
SALMOS 36, 37
Canción 87, oración | Qalltañatak mä qhawqha arunaka (1 min.)
1. “Jan wali jaqenak kawsajj jan colerasimti”
(10 min.)
Jan wali jaqenakajj llakisiyistuwa, tʼaqesiyarakistuwa (Sl 36:1-4; w17.04 pág. 10 párr. 4).
‘Jan wali jaqenakan’ jan wali luratanakap uñjasin colerañajj jiwas pachparuw jan waltʼayistu (Sl 37:1, 7, 8; w22.06 pág. 10 párr. 10).
Jehová Diosan promesanakapar confiyañajj sumankañwa churistu (Sl 37:10, 11; w03-S 1/12 pág. 13 párr. 20).
AKHAM JISKTʼASIM: “¿Jan wali jaqenakajj kunanaktï lurapki uka noticianak walti ischʼukiñ muntjja?”.
2. Suma yatichäwinak Bibliat thaqapjjañäni
(10 min.)
-
Sl 36:6. Cheqapar uñjirïtamajj “jachʼa qollunakar uñtasitawa” sasinjja, ¿kuna toqetsa salmonak qellqerejj parlaskpachäna? (it-2-S pág. 424).
-
Jichha semanan Bibliat liytʼasiwayki ukanjja ¿kuna suma yatichäwinaksa jikjjatta?
3. Biblia liyiñataki
(4 min.) Sl 37:1-26 (th lección 10).
4. Kunjamsa parlañ qalltasma
(3 min.) UTAT UTA. (lmd 1 yatichäwi, punto 5).
5. Revisitanak luram
(4 min.) TAQE CHEQANAKAN PREDICAÑA. Nayrajj Jehová Diosan Testigonakapamp Bibliat jan yateqañ munkäna uka jaqeruw ¿janit Bibliat yateqañ munkasma? sasin jisktʼäta (lmd 9 yatichäwi, punto 4).
6. Discurso
(5 min.) ijwbv-S 45. Título: ¿Salmo 37:4 qellqatan kuntï siski ukajj kamsañsa muni? (th lección 13).
Canción 33
7. ¿“Jan wali tiempon[akatak]” wakichtʼatätati?
(15 min.) Tantachasirinakaruw jisktʼäta.
Oraqen kunayman jan waltʼäwinak utjipana, jaqenakajj jan walinak lurapki ukanak causajja, walja jilat kullakanakaw utjirinakapa, munat familiaranakap aptʼasiwayapjje (Sl 9:9, 10). Cheqas taqeniw uka jan walinakan mä akatjamat uñjassna. Ukatwa janiräkipan sum wakichtʼasipjjañasa.
Ukanakar saykatañatakejj kunatï wakiski ukanakwa lursna, a ¿kunanakampsa luraraksna?
-
Jan walinakan uñjasisajj kunanaksa lurasma ukwa jichjat lupʼiñama. Jan waltʼäwinakajj utjakipuniniwa, janiw ukat payachasiñamäkiti. Ukham jan walin uñjasisma ukhajj kunsa lurasma uk janiräkipan amuytʼasim. Janiw cosasanakamar sinti munasiñamäkiti, ukhamäni ukhajja, jaytañ wakisini ukhajj jan sinttʼasisaw ukanak jaytäta, vidamsa salvasïtawa, mayninakarus yanaptʼarakïtawa (Gé 19:16; Sl 36:9). Jan waltʼäwinak pasatatsa, janiw cosasanakamat sint llakiskätati (Sl 37:19).
-
Jehová Diosar jukʼamp confiyam. Jan waltʼäwinakanjja, Jehová Diosaw cuiditani, jupajj wal yanaptʼañ munitu sasaw confiyañama (Sl 37:18). Inas jan kunani uñjaschiñäni, ukhamäkchinisa akwa amtañama: Jehová Diosaw servirinakaparojj irpi, yanaptʼaraki (Sl 37:23, 24; Jer 45:5).
Jehová Diosan promesanakapar confiytan ukhajja, ‘jupaw jan wali tiempon imantasiñasajja’ (Sl 37:39).
¿Jan waltʼäwinakar saykatañatak wakichtʼatäjjtati? sat VIDEO uñtayäta. Ukat akham sasaw jisktʼäta:
-
¿Mä akatjamat jan waltʼäwejj utji ukhajj kunjamsa Jehová Diosajj yanaptʼistu?
-
¿Wakichtʼatäñatakejj kunanaksa jichjatpach lursna?
-
¿Jan waltʼäwinakan uñjasipki ukanakarojj kunjamsa yanaptʼsna?
8. Congregacionan Bibliat yatjjatañataki
(30 min.) bt cap. 9 párrs. 8-16.
Tukuyañatak mä qhawqha arunaka (3 min.) |
a ¡Despertad! núm. 5, 2017 revistan páginas 4-6 uñjjattʼäta.
