Ciencia toqet jaqenakajj jukʼampinak yatjjatasipkakpachäniwa. Ukampis ukajj suma jaqenak utjañapataki, maynit maynikam yanaptʼasipjjañapatak ¿yanaptʼaspati? Janiwa. Aka pachanjja, jaqenakajj jupatakikiw kuns munjjapjje. Ukampis jaqenakan sum jakasiñapwa Diosajj muni. (2 Pedro 3:13 liytʼäta.)

Jutïrinjja, aka Oraqen munasiñaw wal utjani sasaw Bibliajj qhanañchi. Jaqenakajj janiw kunatsa ajjsarayasjjapjjaniti, janirakiw khitis jaqe masipar jan walinak lurkaniti. (Miqueas 4:3, 4 liytʼäta.)

Diosajj nayrïr chacharu, mä arunjja, Adán chacharu lurkäna ukhajja, janiw jupatakik kuns munirïñapatak lurkänti, jan juchanwa lurawayäna. Diosar jan istʼatap laykuw Adanajj juchanir tukuwayi. Jiwasajj jupatwa juchsa, maynitakik kuns munañsa katoqawaytanjja. Ukampis Jesús toqew Diosajj jan juchaniru tukuyistani. (Romanos 7:21, 24, 25 liytʼäta.)

Diosan munañaparjamajja, Jesusaw jakäwip loqtasiwayi, ukhamatwa nayrïr chachan juchachasitapat qhespiyawayistu (Romanos 5:19). Ukhamajja, Jesusaw jutïrin jaqenakatak mä suma suytʼäwi utjayawayi, ukansti janiw maynitakik kuns munañasa, ni juchar purtʼasiñas utjjaniti. (Salmo 37:9-11 liytʼäta.)