¿Cheqapunit Diosar uñtʼasma?
Walja jaqenakaw “Diosar creytwa” sasin sapjje, ukampis “¿Diosajj kunjamasa?” sasin jisktʼatajj janiw mä kikpak sapkiti. Yaqhepajja, “Diosajj jan sinttʼasir juezawa, jaqenakarojj jan wali luratanakapatakwa castigañ munaski” sasaw sapjje. Yaqhepasti, “Diosajj wali munasiriwa, kuna jan walinaksa lurkchiñänejja, perdonistaniwa” sasaw sapjjaraki. “Diosajj wali jayankiwa, janiw jaqenakatsa llakiskiti” sasaw yaqhepajj amuyapjjaraki. Niyakejjay ukham may maya amuyunakajj utjchejja, “janipuniw Diosar uñtʼksnati” sasaw waljanejj amuyapjje.
¿Diosar uñtʼañajj yanaptʼiristamti? ¡Jïsa! Diosar uñtʼañajja, sum jakasiñatakiw yanaptʼiristamjja (Hechos 17:26-28). Jumatï Diosar jakʼachasïta ukhajja, Jupajj jukʼampirakiw jumar jakʼachasini, yanaptʼarakïtamwa (Santiago 4:8). Cheqas Diosar uñtʼañajja, wiñay jakasiñatakiw yanaptʼätam (Juan 17:3).
¿Kunjamatsa Diosar uñtʼasma? Mä munat amigomat parltʼañäni, ¿kunjamsa jupan amigopar tukuwayta? Nayraqatjja, sutipwa yatiypachätamjja. Ukatjja, kunjam jaqesa, kunanakas gusti, kunanakas jan gustkaraki, kunanaksa lurirïna, kunanak lurañsa amtaraki taqe ukanakwa yatpachätajja. Ukaw amigopar tukuñatak yanaptʼawaypachätamjja.
Diosar jukʼamp uñtʼañatakejja, aka jisktʼanakat yatjjatañaw yanaptʼarakiristam:
Aka revistaw uka jisktʼanakar Bibliarjam qhanañchi. Akjjar jutki uka yatichäwinakajja, Diosar jukʼamp uñtʼañatakiw yanaptʼätam, Jupan amigopäñajj kunjamsa yanaptʼiristam uk amuyañatakiw yanaptʼarakïtam.
Akanakajj inas gustarakiristam
YATIYAÑATAKI
¿Diosajj kuna sutinisa?
Jupakiw kuntï jutïritak amtawayki uk phoqaspa, ukwa Diosan sutipajj amuytʼayistu. ¿Uk yatiyätati?
YATIYAÑATAKI
¿Diosar uñtʼsnati?
Kunanaktï Diosat jan amuyañjamäki ukajj Diosar jakʼachasiñatakiw yanaptʼistaspa.
