YATIYAÑATAKI 2023 Núm. 1 | Llaki usuninakarojj ¿kunjamsa Bibliajj yanaptʼaspa?
Oraqpachanjja, walja millón jaqenakaw llaki usunïpjje. Ukajj taqeniruw tʼaqesiyi, sañäni, kunayman edadaninakaru, kunayman markankirinakaru, kunayman religionankirinakaruw jan waltʼayi. Pisin jakasirinakarusa, qollqeninakarusa, jukʼa yatjjatatanakarusa, wali yatjjatatanakarus jan waltʼayarakiwa. Ukampis ¿kunas llaki ususa ukat ukar uñtasit yaqha usunakasa? ¿Kunjamsa jaqenakar jan waltʼayi? Aka revistajja, uka usuninakajj kunatsa doctoran ukar sarapjjañapa, kunjamsa Bibliajj jupanakar yanaptʼaspa, uka toqenakatwa parlaskani.
Jukʼamp jaqenakaw llaki usunëjjapjje
Kunayman markankir jaqenaka, kunayman edadani jaqenakaw llaki usump usuntsna. Kunjamsa Biblian ewjjtʼanakapajj llaki usur saykatañatak yanaptʼistaspa uk yatjjatam.
Diosajj wal cuidañ muntamjja
¿Jehová Diosajj kunjamas jikjjatastan uk sum yati sasajj kunatsa sissna?
1 | Orasiña: “Taqe llakinakam jupan amparapar” katuyam
¿Kunatï llakisiyktam uka toqet cheqapunit Diosar orasisma? ¿Llaki usunïpki ukanakarojj kunjamsa orasiñajj yanaptʼi?
2 | ‘Qellqatanakaw chuymachtʼistu’
Taqe llakinakajj niyaw chhaqtayatäjjani sasaw Bibliajj qhanañchi.
3 | Biblian qellqat sarnaqäwinaka
Jiwasjam jikjjatasiri chachanakata jan ukajj warminakat Biblian liytʼañajja, jan jiwas sapaki llakinakan uñjasitas amuyañatakiw yanaptʼistaspa.
4 | Biblian suma ewjjtʼanakapa
Biblian textonakapat lupʼiñasa, kuntï lurirjamäktan ukanak lurañ amtañas kunjamsa llaki usur saykatañatak yanaptʼiristam uk yatjjatam.
¿Llaki usuninakarojj kunjamsa yanaptʼsna?
Llaki usuni amigomar yanaptʼañajj wal jupar yanaptʼaspa.
