¡AMUYASIPJJAPUNIM!
2023 maran kunayman jan waltʼäwinakaw utjawayi | ¿Bibliajj uka toqet kamsisa?
Kunanakatï 2023 maran pasawayki ukanakajja, Bibliajj parlki uka ‘qhepa urunakan’ jakaskataswa uñachtʼayistu (2 Timoteo 3:1). Taqe ukanakajja, kuntï Bibliajj siskäna ukarjamaw phoqasiski. Ukanakat jichhajj mä qhawqhanak uñjañäni.
Bibliajj kunatï jichhürunakan pasañapäkäna uk nayratpachaw sisjjäna
“Taqe cheqan guerranak utjatap istʼapjjäta” (Mateo 24:6).
“Walja markanakanwa guerranakasa nuwasiñanakasa jiljjattaski”. a
Akanakwa liytʼasma: “¿Guerrar jan mitisipki ukanakarojj khitis jarkʼaqani?”; “El gasto militar mundial sobrepasa los 2 billones de dólares”.
“Terremotonakas ukjan akjan utjarakini” (Marcos 13:8).
“2023 marajj qalltawayki ukhat jichhakamajja, 13 terremotonakaw oraqpachan utjawayi, ukanakajj magnitud 7 jan ukajj jukʼamp jachʼa terremotonakäpjjänwa. Mä qhawqha kutikiw ukham jachʼa terremotonakajj utjawayi”. b
“Terremotos devastadores en Turquía y Siria” siski ukwa liytʼasma.
“Wali ajjsarkañanakaw uñjasini” (Lucas 21:11).
“Calentamiento global siski ukajj tukusjjewa. Jichhajj jukʼamp calor tiempow qalltawayi (era de la ebullición global)”(António Guterres, secretario general de las Naciones Unidas). c
“Ola de calor mundial en el 2023” sat yatichäwi liytʼam.
‘Manqʼat pistʼañanakaʼ (Mateo 24:7).
“2023 marajja, familianakapar manqʼa churañatak wal chʼamachasipki ukanakatakejj wali chʼama maränwa”. d
Akwa liytʼasma: “La guerra y el cambio climático empeoran la crisis alimentaria mundial”.
“Chʼama tukuña jan wali tiemponakaw utjani” (2 Timoteo 3:1).
“Oraqpachanjja, sapa kimsaqallqo jaqenakatjja mayniw aynachtʼayir jan wali amuyunakamp wal tʼaqesiski”. e
“Qʼajjo wayn tawaqonakan aynachtʼayir amuyunakapa” sat yatichäwi liytʼam.
¿2024 maran kunas pasani?
Jutïr maran kunanakas pasani uk janiw khitis yatkiti. Ukampis taqe kunatï jichhürunakan pasaski ukanakajja, jaqenakan gobiernonakap lantejj Diosan Reinopa mä arunjja, Diosan gobiernopajj niya apnaqañampëjjatapwa uñachtʼayi, uka gobiernow tʼaqesiñanaksa kunatï llakisiykistu ukanaksa chhaqtayjjani (Daniel 2:44; Apocalipsis 21:4).
Uka uru puriniñapkamajja, llakit uñjasisajj Diosaruw yanaptʼa mayisiñasa. Bibliajj akham siwa:
“Kunapachatï ajjsarayaskta ukhajja, jumaruw nayajj confiyasta” (Salmo 56:3).
¿Kunjamsa Diosar confiyatas uñachtʼaysna? Bibliajja, jutïrin jan tʼaqesisa kusisitaw jakasjjañäni sasaw yatichi, uka promesat jukʼamp yatjjatañamatakiw chʼamañchtʼapjjsma. Ukatakejja, Bibliat jukʼamp yateqañamatakiw invittʼapjjsma, ukhamatwa Biblian promesanakapajj kunjamsa jumarusa familiamarus yanaptʼapjjeristam uk yateqäta.
a Foreign Affairs, “A World at War: What Is Behind the Global Explosion of Violent Conflict?” (Un mundo en guerra: ¿Qué hay detrás de la explosión mundial de conflictos violentos?), Emma Beals y Peter Salisbury; 30 de octubre de 2023.
b Noticias de terremotos, “2023: La cantidad de grandes terremotos pronto batirá récords”; mayo de 2023.
c Naciones Unidas, “Secretary-General’s Opening Remarks at Press Conference on Climate” (comentarios del secretario general sobre el clima en una rueda de prensa); 27 de julio de 2023.
d Programa Mundial de Alimentos, “Una crisis alimentaria mundial”.
e Organización Mundial de la Salud, “Día Mundial de la Salud Mental”; 10 de octubre de 2023.
Akanakajj inas gustarakiristam
ESSENTIAL BIBLE TEACHINGS
¿Kunas Diosan Reinopajja?
Aka oraqenkkasajja, Jesusajj Diosan Reinopatwa jaqenakar jukʼamp yatichirïna. Nayratpachaw jupan arkirinakapas uka Reino oracionan mayisisipki.
¡SARTAPJJAÑÄNI!
Estresampi jan aynachtʼañatakejj ¿kunas yanaptʼiristamjja?
Estresampi jan usuntañatakisa, jan sint aynachtʼañatakis kunas yanaptʼiristam uk akan yatjjatam.
NANAKJJATA
Maynimp visitayasiñataki
Biblia toqet parlañatakejj Jehová Diosan mä Testigopampiw visitayasisma jan ukajj gratisak Bibliat yatichayasiñatakejj aka formulario phoqantasma.
