Бир киши гәфилдән Афәти јерә јыхыр, о, нә баш вердијини баша дүшмүр. Афәт дејир: «Мүгавимәт ҝөстәрмәк үчүн әлимдән ҝәләни етдим. Гышгырмаға чалышдым, сәсим чыхмады. Итәләдим, јумругладым, тәпикләдим, ҹырмагладым — бир сөзлә, һәр шејә әл атдым. Бирдән бәдәнимә бычағын батдығыны һисс етдим, артыг мүбаризә апармаға ҝүҹүм галмады».

Бәс сән охшар вәзијјәтлә үзләшсәјдин, нә едәрдин?

Ола биләр, ахшам чөлә чыханда чох еһтијатлы олмаға чалышырсан, амма нә гәдәр еһтијатлы олсан да, белә һаллар баш верә биләр. Мүгәддәс Китабда дејилир: «Гачышы һәмишә бәрк гачанлар удмур,.. уғуру да һәмишә биликли адам газанмыр. Чүнки һамысынын габағына вахт вә тәсадүф чыхыр» (Ваиз 9:11).

Афәт кими, бәзи ҝәнҹләр танымадыглары инсанлар, диҝәрләри исә танышлары, һәтта аилә үзвләри тәрәфиндән тәҹавүзүнә мәруз галыр. Мәсәлән, Наилә адлы бир гыз дејир ки, 10 јашы оланда гоншулугда јашајан јенијетмә бир оғлан ону зорламышды. Наилә дејир: «Мән чох горхмушдум вә утандығымдан әввәлҹә һеч кимә һеч нә дејә билмирдим».

Афәт бу ҝүнә кими өзүнү гынајыр. О дејир: «О ҝеҹә баш верәнләр ҝөзүмүн өнүндән ҝетмир. Ҝәрәк даһа чох мүбаризә апарајдым. Анҹаг о, мәни бычаглајандан сонра горхудан донуб галдым, артыг һеч нә едә билмәдим, амма етмәлијдим».

Наилә дә ејни һиссләрлә мүбаризә апарыр. О дејир: «Бу гәдәр садәлөвһ олуб она инанмамалыјдым. Валидејнләрим баҹымла мәнә тапшырмышды ки, һәјәтдә һәмишә бир јердә ојнајаг, амма мән онлара гулаг асмадым. Өзүм өз башыма бәла ачдым. Баш верәнләр аиләм үчүн зәрбә олду, буна ҝөрә һеч ҹүр өзүмү бағышлаја билмирәм. Ән чох бу һисс мәнә әзаб верир».

Әҝәр сән дә, Афәт вә Наилә кими, өзүнү ҝүнаһландырырсанса, бир шеји јадындан чыхартма — сән ҝүнаһкар дејилсән, бу һадисә сәнин истәјинлә олмајыб. Бу мәсәләјә әһәмијјәтсиз јанашан бәзиләри тәҹавүзкара бәраәт газандырараг «гыз өзү буна шәраит јарадыб» кими ифадәләр ишләдирләр. Анҹаг һеч ким бу ҹүр рәфтара лајиг дејил. Әҝәр сән дә белә дәһшәтли һадисәнин гурбаны олмусанса, әмин ол, сән ҝүнаһкар дејилсән!

Әлбәттә, «сән ҝүнаһкар дејилсән» ифадәсини охумаг асандыр, амма өзүнү буна инандырмаг чох чәтин ола биләр. Бәзиләри һәр шеји ичинә салыр, өзләрини гынајыр вә бәдбинлијә гапылырлар. Нәзәрә ал ки, сусмағын сәнә һеч бир хејри олмајаҹаг, әксинә, тәҹавүзкарын ишинә јарајаҹаг. Вәзијјәтдән башга ҹүр чыхмаға чалыш.

Мүгәддәс Китабда дејилир ки, дәһшәтли фаҹиә илә үзләшән Әјјуб пејғәмбәр белә демишди: «Дәрдими ачыб-төкәҹәјәм» (Әјјуб 10:1). Сән дә үрәјини бошалтсан, хејрини ҝөрәҹәксән. Етибар етдијин бир инсанла дәрдини бөлүш, вахт кечдикҹә баш верәнләрлә барышаҹаг вә гәлб раһатлығы тапаҹагсан.

Бунун фајдасыны ҝөрән Афәт дејир: «Јахын рәфигәмлә сөһбәт едәндән сонра о, мәни һәр шеји јығынҹағын ағсаггалларына данышмаға тәшвиг етди. Нә јахшы ки, онун мәсләһәтинә гулаг асдым. Онлар бир нечә дәфә отуруб мәнимлә сөһбәт етдиләр вә мәнә мәһз еһтијаҹым олан сөзләри — бу һадисәнин мәним үзүмдән баш вермәдијини, мәним һеч бир ҝүнаһым олмадығыны дедиләр».

Наилә исә башына ҝәләнләри валидејнләринә данышды. О дејир: «Онлар мәнә чох дәстәк олдулар. Дедиләр ки, чәкинмәдән һәр шеји онлара даныша биләрәм. Бу, мәнә ичимдәки гәзәби азалтмаға вә кәдәрә гапылмамаға көмәк етди».

Дуанын да Наиләјә бөјүк көмәји олду. О дејир: «Дәрдими Аллаһа данышмагла раһатлыг тапырдым, хүсусилә дә, үрәјими башгаларына ача билмәјәндә. Аллаһа һәр шеји ачыб даныша билирәм. Бу, мәнә гәлб раһатлығы вә сакитлик верир».

Сән өзүн дә ҝөрәҹәксән ки, вахт кечдикҹә јара сағалыр (Ваиз 3:3). Физики вә емосионал сағламлығынын гајғысына гал. Кифајәт гәдәр истираһәт ет. Ән башлыҹасы исә, һәр ҹүр тәсәлли Аллаһы олан Јеһоваја бел бағла (2 Коринфлиләрә 1:3, 4).

Әҝәр ҝөрүшдүјүн инсан сәни ҹинси јахынлыг етмәјә тәһрик едирсә, гәти шәкилдә: «Еләмә!» вә ја «Әлини чәк!» — демәкдән чәкинмә. Севҝилини итирмәкдән горхма. Әҝәр буна ҝөрә сәни атаҹагса, демәли, о, сәнә лајиг дејил! Сән даһа јахшысына — шәхсән сәнә вә принсипләринә һөрмәтлә јанашан бир инсана лајигсән.

«Орта мәктәбдә оғланлар архадан бүстһалтеримдән дартыб дејирдиләр ки, онларла ҹинси әлагәдә олсам, әсл һәзз дујаҹағам» (Ајдан).

Сәнҹә, һәмин оғланларын һәрәкәтинә нә ад вермәк олар?

1. А. Шылтаглыг

2. Б. Флирт

3. В. Саташмаг

«Автобусда бир оғлан мәнә ијрәнҹ сөзләр демәјә вә әл-гол атмаға башлады. Мән онун әлиндән вуруб дедим ки, јанымдан чәкилсин. Оғлан мәнә елә бахды ки, елә бил, дәлијәм» (Меһрибан).

Сәнҹә, һәмин оғланларын һәрәкәтинә нә ад вермәк олар?

1. А. Шылтаглыг

2. Б. Флирт

3. В. Саташмаг

«Кечән ил бир оғлан она “јох” демәјимә бахмајараг, мәндән әл чәкмәди, мәндән хошу ҝәлдијини вә ҝөрүшмәк истәдијини деди. Һәрдән голума тохунурду. Мән она дејирдим, өзүнү јығышдырсын, амма о, мәһәл гојмурду. Бир ҝүн әјилиб ајаггабымы бағлајанда о, јанымдан вурду» (Бану).

Сәнҹә, һәмин оғланын һәрәкәтләринә нә ад вермәк олар?

1. А. Шылтаглыг

2. Б. Флирт

3. В. Саташмаг

Бу суалларын һамысынын дүзҝүн ҹавабы Ҹ вариантыдыр.

Саташмаг флирт вә шылтаглыгдан нә илә фәргләнир?

Саташмаг биртәрәфли олур вә сән о адама «јох» десән дә, давам едир.

Саташмаг ҹидди мәсәләдир, һәтта зорланмаја ҝәтириб чыхара биләр.