Əşiya 61:1—11
61 Külli-İxtiyar Yehovanın ruhu üzərimdədir,+Çünki Yehova məni həlimlərə müjdə vermək üçün məsh etdi.+
O, məni qəlbisınıqların yarasını sarımağa,Əsirlərə azadlığı,Dustaqlara gözlərinin açılacağını xəbər verməyə göndərdi.+
2 Yehovanın iltifat ilini,Allahımızın intiqam gününü bəyan etməyə,+Bütün yaslılara təsəlli verməyə,+
3 Sion üçün ağlayanlaraKül yerinə örpək,Yas yerinə şənlik yağı,Qəm yerinə şükran libası verməyə göndərdi.
Onlara Yehovanın Özünü ucaltmaq üçün əkdiyiBöyük salehlik ağacları deyiləcək.+
4 Neçə-neçə nəsillərdir viran qalmış yerləri,Qədim dağıntıları abad edəcəklər,+Keçmişdən qalma viranəlikləri tikib qaldıracaqlar,+Yerlə yeksan şəhərləri bərpa edəcəklər.+
5 «Yadellilər gəlib sürülərini otaracaq,Əcnəbilər+ sənin əkinçin, üzümçün olacaq.+
6 Siz isə Yehovanın kahinləri adlanacaqsınız,+Sizə Allahımızın xidmətçiləri deyiləcək.
Siz xalqların sərvətini yeyəcək,+Onların cah-calalı ilə öyünəcəksiniz.
7 Xəcalət yerinə ikiqat pay alacaqsınız,Xalqım rüsvayçılıq yerinə aldığı paya görə sevincdən hayqıracaq.
Bəli, ölkələrində ikiqat pay sahibi olacaqlar.+
Onlara əbədi sevinc nəsib olacaq.+
8 Mən Yehova ədaləti sevirəm,+Soyğunçuluğa, nadürüstlüyə nifrət edirəm.+
Mən onların haqqını insafla verəcəyəm,Onlarla əbədi əhd kəsəcəyəm.+
9 Onların övladları xalqlar arasında,Törəmələri ümmətlər arasında tanınacaq.+
Görən hər kəs biləcək ki,Yehovanın xeyir-duası bu nəslin üzərindədir».+
10 Yehova hədsiz sevincim olacaq.
Bütün varlığım Allahıma görə şadlanacaq.+
Çünki O, əynimə nicat libası geyindirdi;+Məni salehlik əbasına bürüdü,Başına kahin çalması qoymuş təzəbəy kimiyəm,+Bəzənib-düzənmişgəlin kimiyəm.
11 Torpaq pöhrəni cücərtdiyitək,Bağ əkilən toxumları yetişdirdiyitək,Külli-İxtiyar Yehova daSalehliyi+ və şükranı bütün xalqlar önündə belə yetişdirəcək.+
