1. Haqq Allah sevgiylə

Qurtuluş yolu açdı.

Oğlunu fəda edərək

Ölümü məğlub etdi.

Barışdıq Səninlə, ya Rəbb,

Biz fidyə sayəsində.

Ürəkdən tövbə edərək

Bol əfvi daddıq Səndən.

2. Rəhm etsək Rəhmantək

Görəcəyik mərhəmət.

Ürəkdən bağışlayaraq

Göstərək sevgi, şəfqət.

Davranaq gərək təmkinlə,

Biz kinə yer verməyək.

Gəl rəftar edək hörmətlə,

Cəmi dindaşı sevək.

3. Rəhm bir fəzilətdir,

Mərhəmət gəlsin içdən.

Ürəyi biz hifz edərik

Nifrətin zəhərindən.

Məhəbbətdir Rəbb Yehova,

Hey Ondan örnək alaq.

Sidq-qəlbdən bağışlayaraq

Allaha gəl bənzəyək.