«Qonaqlıq verəndə evinə kasıbları, şikəstləri, çolaqları, korları çağır. Bax, onda ürəyin şad olacaq, çünki bu adamların sənə verməyə heç nələri yoxdur» (Luka 14:13, 14).
Qayğıkeş gənclər
Qayğıkeş gənclər hər yerdə var! Bu da onlardan bəziləri:
«Hərdən divanda oturub televizora baxanda birdən yadıma düşür ki, valideynlərim işdən yorğun halda gələcəklər. Tez ayağa durub qabları yuyuram, evi tozsoranlayıram, tozları silirəm və qəhvə hazırlayıram, çünki onlar qəhvəni sevirlər. Anam evə gələndə deyir: “Hər yerdən gül yağır. Hələ bu gözəl qəhvə ətrini demirəm. Çox sağ ol, mənim balam!” Atamla anamın bəyəndiyi işləri görmək mənə xoş gəlir» (Keysi).
«Valideynlərim həmişə mənə dayaq olublar və ehtiyacım olan hər şeylə təmin ediblər. Keçən il maşınlarını ilə bağlı böyük problem yarananda yığdığım puldan xeylisini onun təmiri üçün vermişdim. Onlar götürmək istəməsələr də, mən israr etdim. Valideynlərim bundan da artığına layiqdirlər. Səxavətli olmaq və onlar üçün nə isə etmək çox əladır» (Holi).
Bilirsən? Yehovanın Şahidi olan bir çox gənclər Allah haqqında təbliğ etməklə başqalarına kömək edirlər. Hətta onlardan bəziləri bunun üçün başqa ölkələrə köçmüşlər.
«İnsanlara Müqəddəs Kitabı öyrənməyə kömək etmək üçün ABŞ-dan Meksikaya köçdüm. Bəzən kiməsə verməyə pulun, yaxud da hədiyyə almaq imkanın olmur. Amma görürəm ki, vaxtımı və gücümü xidmətə sərf edəndə insanlar bunu maddi şeylərdən daha çox qiymətləndirirlər» (Evan).
Başqalarına necə kömək edə bilərəm?
Bəs sən verməyin gətirdiyi xoşbəxtliyi dadmaq üçün nə edə bilərsən? Aşağıdakı məsləhətlərə nəzər sal.
Ailə üzvlərinə kömək:
Kimsə sənə deməmiş özün evi yığışdır, tozsoranla, qabları yu
Xörək hazırla
Valideynlərinə açıqca yazıb minnətdarlığını bildir
Bacı, yaxud qardaşına ev tapşırıqlarını etməyə kömək et
Başqalarına kömək:
Xəstə olanlara açıqca yaz göndər
Yaşlı qonşunuza həyət-bacanı yığışdırmağa kömək et
Evdən çölə çıxa bilməyənlərə baş çək
Həyatının çətin anlarını yaşayan kiməsə hədiyyə ver
Məsləhət. Daha necə kömək edə biləcəyini fikirləş. Sonra qarşına bu həftə ərzində bir nəfərə kömək etmək məqsədini qoy. Bunun nə qədər xoş olduğunu görəndə özün də təəccüblənəcəksən!
«Kiməsə kömək etmək xoşbəxtlik gətirir. Çünki layiqli iş görmək və başqalarının buna dəyər verdiyini bilmək çox xoşdur. Əvvəl-əvvəl belə görünməsə də, amma kiməsə xeyirxahlıq etmək hətta əyləncəli ola bilər. Nəyisə itirdiyini düşünmürsən, çünki axırda çox şey əldə edirsən» (Alana).
Çoxları düşünür ki, xoşbəxtlik mal-mülk və maddiyyatdan asılıdır. Bəs pul və var-dövlət insana əbədi xoşbəxtlik bəxş edə bilirmi? Faktlar nəyi göstərir?
