”Sakuub jagate kareh antuk I Jaat.”​—1 Yohanes 5:19.

”Putran Ida Sang Hyang Widi Wasa nyinahang raga . . . buat masmi pakaryan Ratun Setane.”​—1 Yohanes 3:8, Cakepan Suci.

Nawang alasan ané jelas kenapa liu ada masalah di guminé.​—Wahyu 12:12.

Ngelah alasan buat pracaya yén guminé lakar dadi luung.​—1 Yohanes 2:17.

Bisa, paling sing ada telu alasanné:

• Pamréntahan Setan pasti suud. Ento suba katetepang olih Yehuwa. Ida majanji lakar ”masmi Ratun Setane” lan menahin makejang masalah ané ada ulian I Setan.​—Ibrani 2:14.

• Tuhan suba nunjuk Yesus Kristus buat mamréntah guminé. Yesus matungkalikan sajaan ajak Setan ané kejam lan égois. Tuhan majanji unduk pamréntahanné Yesus lakar ”Sih kapiolas ring jadmane sane lemet tur tiwas . . . ngluputang ipun saking panindesan miwah kawirosan.”​—Kidung 72:13, 14.

• Tuhan sing taén melog-melog. Alkitab ngorahang: ”Ida Sang Hyang Widi Wasa tan pacang mobab”. (Ibrani 6:18) Yén Yehuwa suba majanji, ento pasti terjadi! (Nabi Yesaya 55:10, 11) Ida majanji yén penguasan jagaté ”lakar katepasin.”​—Yohanes 12:31.