Gusunɔ kĩ tɔmbu bu wãarun dobu nɔ temɔ. U tem ka gãanu kpuro ye ya wãa sɔɔ taka kua, ye u tɔmbu kῖ n sɔ̃. Ya n maa tεεmɔ, tem baamεre sɔɔ u koo tɔmbu wãaru te ta buram bo kɛ̃. U koo tɔmbu somi bu baruka wa gãa ni nu be nɔni sɔ̃ɔmɔn di.​—A Yeremi 29:11 gario.

Yem bandu sari te ta kpĩa ta dam dibu, bararu, n kun mε gɔɔ kpeesia. Adama labaari gea wãa. Saa fiiko sɔɔ Gusunɔ koo tɔmbun bannu kɔsi kpa u win tiin bandu yi. Ban ten bwãabu ba koo n bɔri yεndu ka bwãa dobu mɔ.​—A Esai 25:8; 33:24; Daniɛli 2:44 gario.

Nɔni swãara kun kpeemɔ, ma tɔn kɔ̃soba tie temɔ. Tem mu ka dεεra, Gusunɔ u koo be wĩa. (Sofoni 2:3) Domma ya koo koora? Gusunɔn Gari ya raa gãa ni nu ko handunia nɔni sɔ̃ gisɔn gari kua. Gãa ni nu sɔ̃ɔsimɔ ma sanam mε Gusunɔ u koo sɔmburu ko ya turuku kua.​—A 2 Timɔte 3:1-5 gario.

N weenε su gia Gusunɔ sɔɔ, saa Bibelin di, Gusunɔn Gari. Ya sãawa nge tire te Tundo kĩrugii u sun mɔrisia. Ya sun sɔ̃ɔmɔ mεsum sa ko ka wãaru te ta buram bo di gisɔ, ka mε sa ko wãaru te ta ku ra kpe di tem sɔɔ sia. Ka gem, ya ǹ gabu doremɔ a somiru wa a ka Bibeli tubu. Adama sian wãaru te ta buram kere, ya wãa too a ka ye kɔmia.​—A Mɔnnu 29:25; Kãsiru 14:6, 7 gario.