Dang hea adong didok di Bibel taringot perayaan Halloween na dirayahon setiap taon di tanggal 31 Oktober. Alai asal usul dohot kebiasaan na diulahon di perayaan on bertentangan do tu isi ni Bibel.

Dibahas ma di artikel on

•  Sejarah ni Halloween dohot kebiasaanna

•  Porlu do taboto asal usul ni Halloween?

•  Boasa gabe didok Halloween?

•   Samhain: Asal usul ni Halloween berhubungan do tu perayaan Samhain, i ma “ari raya ni halak kafir najolo na dirayahon halak Kelt lobi sian 2.000 taon naung salpu”, songon na didok The World Book Encyclopedia. “Porsea do halak Kelt na boi do halak na mate mardalani di tonga-tonga ni halak na mangolu saleleng perayaan i. Jala saleleng perayaan Samhain, boi do halak na mangolu bergaul tu halak na mate.”—Ida muse “ Boasa Gabe Didok Halloween?”

•   Kostum Halloween, permen, dohot trick or treat: Menurut sada sumber, adong do halak Kelt mamakke kostum na seram lao manipu akka tondi ni halak naung mate. Menurut nasida, molo dipakke kostum i “gabe dirippu akka tondi i ma na sama-sama begu nasida” jadi dang diganggu be nasida. Adong do muse na mangalehon permen tu tondi ni halak na mate i asa las rohana. a

   Di abad pertengahan di Eropa, diihutton akka pemimpin agama Katolik do kebiasaan ni halak kafir na adong disi. Disuru ma akka jemaatna lao tu ganup jabu huhut mamakke kostum Halloween i lao manjalo hadiah.

•   Begu, vampir, manusia serigala, tukang sihir, dohot zombi: Sude istilah on berhubungan do tu akka suru-suruan na jahat jala berkaitan do i muse tu “hal-hal gaib”. Songon na didok di bukku Halloween Trivia “adong do hubungan ni i tu hamatean manang mabiar mate”.

•   Labu Halloween: Di abad pertengahan di Inggris, akka halak “lao do tu ganup jabu lao mangido sipanganon ala nungnga ditangiakkon nasida akka halak naung mate”. Jala ro do nasida mamboan “lobak ungu naung dilubangi jala diisi ma i dohot lilin na manggombarhon tondi ni halak na mate na terperangkap di api penyucian”. (Halloween—From Pagan Ritual to Party Night) Na asing muse mandok molo lobak na marisi lilin i dipakke lao mangusir akka suru-suruan na jahat. Alai di taon 1800-an di Amerika Utara, digatti ma lobak ungu i tu labu ala ummura mangalului labu jala ummura do labu i dilubangi dohot dibentuk.

 Porlu. Godang do halak menganggap molo Halloween, i ma perayaan na mambahen las roha, alai sebenarna bertentangan do i tu isi ni Bibel. Jala asal usul ni Halloween, i ma sian ajaran na so sittong taringot halak na mate dohot suru-suruan na jahat.

 Ida ma piga-piga ayat ni Bibel na patuduhon sogo do roha ni Debata tu perayaan Halloween:

•   “Unang ma adong sian hamu . . . na mangido tudu-tudu tu halak na boi makkatai tu na mate dohot tu peramal, manang na makkatai tu na mate.”—5 Musa 18:10-12.

   Artina: Dang lomo roha ni Debata makkatai hita tu halak naung mate, bahkan holan pura-pura pe hita boi makkatai tu halak na mate dang lomo roha ni Debata.

•   “Alai anggo na mate, dang diboto agia aha.”—Parjamita 9:5.

   Artina: Alana dang sadar be halak naung mate i, jadi dang boi be nasida makkatai tu halak na mangolu.

•   “[Unang] rap mangan hamu dohot akka suru-suruan na jahat. Dang boi hamu minum sian makkuk ni Jahowa jala laos minum sian makkuk ni suru-suruan na jahat.”—1 Korint 10:20, 21.

   Artina: Asa boi tabahen las roha ni Debata, dang boi adong hubunganta tu suru-suruan na jahat.

•   “Unang talu hamu alani jorat ni Sibolis. Ai dang na mangalo jolma parporangatta, alai mangalo . . . suru-suruan na jahat.”—Epesus 6:11, 12.

   Artina: Ikkon dialo halak Kristen do suru-suruan na jahat, dang gabe rap marpesta dohot nasida.