Adong! Alana Bibel i sian “Debata na patoguhon roha ni akka na marsak”. (2 Korint 7:6) Alai Bibel i dang bukku na membahas taringot kesehatan mental. Alai Bibel boi do mangurupi godang halak asa unang saut bunu diri. Jala nasehat di Bibel boi do tong mangurupi hamu.

•  Aha do nasehat na adong di Bibel?

•  Adong do dipaboa di Bibel taringot halak na mandok tumagon nasida mate?

•  Ayat na dia do di Bibel na boi mangurupi halak asa unang bunu diri?

•  Songon dia do molo adong donganmuna na mandok, “Tumagon ma au mate”?

•  Songon dia do molo hea au tarpikkir naeng bunu diri?

• ● Paboa ma songon dia perasaanmuna.

   Na didok Bibel: “Sai dipatudu ale-ale do holong ni roha jala songon haha anggi do i tikki masa sitaonon.”​—Poda 17:17.

   Maksudna: Tikki marsak hita, porlu do hita diurupi halak na asing.

   Molo dang dipaboa hamu tu na asing songon dia perasaanmuna, gabe tamba borat do i dihilala hamu jala gabe lam marsak. Alai molo diceritahon hamu do tu na asing songon dia perasaanmuna, gabe hira na moru ma bebanmuna i jala gabe positif ma pikkiranmuna.

   Coba ma on: Pittor paboa ma tu sasahalak songon dia perasaanmuna. Contohna, tu anggota keluarga manang tu dongan na boi dihaporseai hamu. a Manang boi do disurat hamu songon dia na dihilala hamu.

• ● Pangido ma bantuan sian dokter.

   Na didok Bibel: “Dang porlu pangubati tu halak na sehat, tu na marsahit do.”​—Mateus 9:12.

   Maksudna: Molo marsahit hita, ikkon marubat do hita tu dokter.

   Molo hea hita tarpikkir naeng bunu diri, berarti naung terganggu do kesehatan ni roha dohot pikkiranta. Molo marsahit hita, pasti dang maila hita molo lao marubat tu dokter. Suang songon i ma, molo targanggu kesehatan ni roha dohot pikkiranta, lao ma hita marubat tu dokter.

   Coba ma on: Pittor hatop ma hamu lao marubat tu dokter.

• ● Ingot ma na parduli do Debata tu hamu.

   Na didok Bibel: “Holan dua limper do kan digadis lima amporik? Alai, dang adong nanggo sada pe sian i na dihalupahon Debata. . . . Alani i unang ma mabiar hamu, ummarga do hamu sian godang amporik.”​—Lukas 12:6, 7.

   Maksudna: Massai arga do hamu di Debata.

   Olo do ra dihilala hamu dang adong na parduli tu hamu. Alai diida Debata do hasusaan na diadopi hamu, jala parduli do Ibana tu hamu nang pe dang lomo be rohamuna mangolu. Didok di Psalmen 51:17, “Dang dipalao Ho ale Debata, halak na marsak dohot na manolsoli.” Jadi, lomo do roha ni Debata asa toktong hamu mangolu. Alana, holong do rohana tu hamu.

   Coba ma on: Lului ma buktina sian Bibel na tutu do holong roha ni Debata tu hamu. Contohna, ida ma pasal 24 di bukku Mendekatlah Kepada Yehuwa (bukku lao marsiajar Bibel).

• ● Martangiang ma tu Debata.

   Na didok Bibel: “Pasahat hamu ma sude holso ni rohamuna tu [Debata], ai diparrohahon do hamu.”​—1 Petrus 5:7.

   Maksudna: Lomo do roha ni Debata asa dipaboa hamu sude na di bagasan rohamuna dohot di pikkiranmuna tu Ibana.

   Boi do dilehon Debata tu hamu dame ni roha dohot gogo asa boi hamu sanggup mangadopi i sude. (Pilippi 4:6, 7, 13) Songon i ma cara ni Debata mangurupi akka halak na martangiang lao mangido bantuan sian Ibana.​—Psalmen 55:22.

   Coba ma on: Pittor martangiang ma hamu tu Debata. Jou ma goarna, i ma Jahowa. Jala paboa ma sude tu Ibana songon dia perasaanmuna. (Psalmen 83:18) Pangido ma tu Ibana asa diurupi hamu asa unang menyerah.

• ● Pikkirhon ma harapan di masa depan na dipaboa di Bibel.

   Na didok Bibel: ‘Songon jangkar ni kapal do janji i di ngolutta na mambahen hita togu, jala marpos ni roha.’​—Heber 6:19.

   Maksudna: Perasaanmuna boi do songon kapal di laut di tikki balga ombak. Alai harapan na dipaboa di Bibel boi do mangurupi hamu asa boi tenang pikkiran dohot rohamuna.

   Harapan na didok dison dang holan angan-angan. Alai nungnga marjanji Debata na lao apusonna do sude akka na mambahen hita susa.​—Pangungkapon 21:4.

   Coba ma on: Asa diboto hamu akka harapan na dipaboa di Bibel, jaha ma brosur Barita na Uli sian Debata! di parsiajaran 5.

• ● Ulahon ma aha na mambahen las rohamuna.

   Na didok Bibel: “Dos songon ubat na mambahen malum do las ni roha.”​—Poda 17:22.

   Maksudna: Molo taulahon akka na mambahen las rohatta, boi ma lam denggan roha dohot pikkiranta.

   Coba ma on: Ulahon ma aha na mambahen las rohamuna. Contohna, mambege musik, jaha ma akka na mambahen hamu terhibur, jala ulahon ma aha hobbimuna. Boi do lam tamba las ni rohamuna molo diurupi hamu halak na asing, nang pe holan saotik do na boi diurupi hamu.​—Ulaon ni Apostel 20:35.

• ● Tetap ma jaga kesehatanmuna.

   Na didok Bibel: ‘Adong do gunana mangalatik daging.’​—1 Timoteus 4:8.

   Maksudna: Godang do manfaatna molo olahraga hita, cukup tidur, jala taallang makanan na sehat.

   Coba ma on: Coba hamu ma olahraga jalan cepat nang pe holan 15 menit.

• ● Ingot ma, boi do muba perasaan dohot situasitta.

   Na didok Bibel: “Dang diboto hamu songon dia ngolumuna sogot.”​—Jakobus 4:14.

   Maksudna: Boi do sae masalah na borat nang pe hira na so adong jalan keluarna.

   Manang songon dia pe situasimuna saonari, boi do i muba. Jala lului ma cara lao pasaehon i. (2 Korint 4:8) Alai molo nga sanga hamu bunu diri, dang boi be muba situasimuna.

   Coba ma on: Jaha hamu ma akka pengalaman di Bibel taringot akka halak na hea merasa putus asa, jala didok roha ni nasida tumagon ma mate. Jala botoonmuna ma songon dia cara ni nasida mangatasi i. Biasana, na so hea tarpikkir ni nasida do hasilna. Pikkirhon ma piga-piga contoh on.

 Adong. Dipaboa di Bibel, adong do piga-piga halak na hea mandok “Tumagon ma au mate.” Dang muruk Debata tu nasida, alai diurupi do nasida. Suang songon i ma Debata tu hamu, boi do urupanna hamu.

Si Elia

•  ● Ise do si Elia? Si Elia, i ma sahalak nabi na barani. Alai hea do ibana merasa putus asa. Didok di Jakobus 5:17, ‘Dos do pakkilalaatta tu pakkilalaan ni si Elia.’

•  ● Boasa didok si Elia tumagon ibana mate? Hea do dihilala si Elia dang adong donganna, mabiar, jala hira na so mararga be ngoluna. Didok ibana ma di tangingna, “Ale Jahowa . . . pamate ma au!”​—1 Raja-Raja 19:4.

•  ● Aha do na mangurupi ibana? Dipaboa si Elia ma sude na di bagasan rohana tu Debata. Songon dia do cara ni Debata patoguhon ibana? Dipatudu Debata do na parduli Ibana tu si Elia jala dipatudu do huasona lao mangurupi si Elia. Dipapos Debata do roha ni si Elia na porlu dope ibana. Dilehon do tu ibana dongan na parduli jala na terampil.

•  ▸ Jaha ma taringot si Elia: 1 Raja-Raja 19:2-18.

Si Job

•  ● Ise do si Job? Si Job, i ma sahalak bawa na mamora jala na togu haporseaonna na manomba Debata na sittong.

•  ● Boasa didok si Job tumagon ibana mate? Alana toppu susa ngolu ni si Job. Mago do sude na adong di ibana. Mate sude gellengna alani bencana, parah sahitna, jala didok muse tu ibana ala na jahat do pangalahona umbahen na masa i sude tu ibana. Gabe didok si Job ma, “Magigi do au tu ngolukkon, dang olo be au mangolu.”​—Job 7:16.

•  ● Aha do na boi mangurupi si Job? Martangiang ma si Job tu Debata jala dipaboa ibana ma tu na asing songon dia perasaanna. (Job 10:1-3) Dihibur si Elihu ma ibana, i ma donganna na boi mangattusi perasaanna, jala na mangurupi ibana asa boi marpikkiran positif tu situasi na masa tu ibana. Alani i, gabe olo ma si Job manjalo nasehat dohot bantuan sian Debata.

•  ▸ Jaha ma taringot si Job: Job 1:1-3, 13-​22; 2:7; 3:1-13; 36:1-7; 38:1-3; 42:1, 2, 10-13.

Si Musa

•  ● Ise do si Musa? Si Musa, i ma sahalak pamimpin di suku Israel najolo jala sahalak nabi na setia.

•  ● Boasa didok si Musa tumagon ma ibana mate? Ala borat tanggung jawab ni si Musa, sai marungut-ungut bangso Israel tu ibana, jala dihilala ibana dang sanggup be ibana menghadapi i sude. Jadi didok si Musa ma tu Debata, “Tumagon ma pamate au saonari.”​—4 Musa 11:11, 15.

•  ● Aha do na mangurupi si Musa? Dipaboa si Musa do sude na di bagasan rohana tu Debata. Diurupi Debata ma si Musa asa unang paborattu tanggung jawabna. Alani i, gabe dang putus asa be si Musa.

•  ▸ Jaha taringot si Musa: 4 Musa 11:4-6, 10-17.