Boi. Diurupi Bibel do hita asa unang sai torus be taingot hasalaan na hea taulahon. (Psalmen 32:1-5) Molo hea hita mangulahon na sala alai nungnga bertobat, disalpuhon Debata do hasalaatta i jala diurupi do hita asa unang sai taingot-ingot be i. (Psalmen 86:5) Dipaboa do di Bibel, denggan do molo tasolsoli hasalaan na hea taulahon. Alana, boi do i mangurupi hita asa unang taulahon be muse hasalaan na sarupa jala berupaya asa unang taulahon be muse hasalaan i di ari na naeng ro. (Psalmen 51:17; Poda 14:9) Didok Bibel, ikkon taalo do perasaan bersala, manalahon diritta sandiri na boi mambahen hita putus asa manang didok rohatta dang arga be hita di Debata. Alana perasaan sisongon i boi do mambahen hita gabe “mandele”.​—2 Korint 2:7.

•  Aha do na mambahen hita merasa bersala?

•  Aha do na ikkon huulahon asa unang sai merasa bersala?

•  Akka ayat ni Bibel na boi mangurupi

 Adong do piga-piga alasan na mambahen hita sai toktong merasa bersala. Didok rohatta, olo do ala hea tabahen haccit roha ni sasahalak manang dang marhasil hita mangihutton aturan na didok rohatta ikkon taihutton do aturan i. Di tikki i, olo do didok rohatta nungnga taulahon na sala. Hape sasittongna, dang adong taulahon na sala. Contohna, molo tabahen aturan na so masuk akkal tu diritta sandiri, hape dang berhasil hita mangihutton aturan i, olo do i mambahen hita sai merasa bersala. I do alana didok Bibel, unang ma patigorhu hita tu diritta sandiri.​—Parjamita 7:16.

 Asa unang sai merasa bersala, ulahon ma akka na boi mambahen hamu padenggatton pikkiran sisongon i. Songon dia carana?

•   Akkui ma hasalaanmuna. Martangiang ma hamu tu Debata Jahowa a asa disalpuhon hasalaanmuna i. (Psalmen 38:18; Lukas 11:4) Pos ma rohamuna na ditangihon Debata do tangiangmuna i molo bertobat hamu jala berupaya asa unang mangulahon hasalaan na sarupa. (2 Kronika 33:13; Psalmen 34:18) Rohamuna do na diida Debata, dang songon cara ni jolma mangida hamu. Tikki diida Debata na berupaya do hamu asa unang mangulahon hasalaan i muse, “sesaon ni Debata do i.  . . Ai boi do tahaporseai Debata jala adil do Ibana”.​—1 Johannes 1:9; Poda 28:13.

   Molo hea dibahen hamu na sala tu sasahalak, ikkon diakkui hamu do hasalaanmuna i jala sian ias ni roha ma hamu mangido maaf. Tottu dang mura mangulahon i. Alai ikkon barani do hamu jala ikkon serep do rohamuna. Molo sian ias ni roha hamu mangido maaf, adong ma dua manfaatna, i ma gabe lubbang ma pakkilalaanmuna jala gabe denggan ma muse parale-aleonmuna dohot ibana.​—Mateus 3:8; 5:23, 24.

•   Rimangi ma akka ayat taringot asi ni roha ni Debata. Contohna, pikkorhon ma ayat di 1 Johannes 3:19, 20. Didok do di ayat i, olo do “diuhumi rohatta hita”. I do alana didok rohatta, ikkon denggan ma nian sude na taulahon manang olo do didok rohatta, dang tama hita mandapot asi ni roha ni Debata. Didok do muse di ayat i, “umbalga do Debata sian rohatta”. Songon dia maksudna? Takkas do ditanda Ibana hita, jala takkas do diboto Ibana songon dia pakkilaatta dohot hagaleotta. Jala diboto Ibana do muse molo hita dang sempurna, olo do taulahon na sala. b (Psalmen 51:5) Alai nang pe songon i, dijalo Ibana do manang ise pe na olo bertobat nang pe hea mangulahon na sala.​—Psalmen 32:5.

•   Unang be sai ingot hasalaanmuna najolo. Di Bibel, godang do dipaboa akka contoh ni akka halak na hea mangulahon na sala, alai di pudian ni ari olo do nasida bertobat. Contohna, si Saul na sian Tarsus, na ditanda gabe apostel Paulus. Halak Parise do ibana, jahat do ibana jala disiksa do akka na mangihutton Jesus. (Ulaon ni Apostel 8:3; 9:1, 2, 11) Alai dung diboto ibana na dialo ibana do Debata dohot Mesias manang Kristus, gabe bertobat do ibana jala sitiruon do ibana di akka halak Kristen. Tottu, disolsoli si Paulus do pangalahona najolo i. Alai dang sai diingot-ingot ibana be akka hasalaanna i. Dijalo ibana do asi ni roha ni Debata. Alani i, gabe sahalak parbarita na bersemangat do si Paulus jala marsitutu do ibana lao mandapot hangoluan na salelengna.​—Pilippi 3:13, 14.

 Jeremia 31:34, “Dang ingotokku be akka dosa ni nasida jala sesaokku ma hasalaan ni nasida.”

 Lapatanna: Nang pe olo Debata manesa dosatta, alai dang lomo rohana molo taulahon muse hasalaan na sarupa. Parasi roha do Ibana.