Taringot akka na masa di parngoluan ni Jesus, disurat si Johannes do, “Halak na mangida na masa i do na paboahon i jala sittong do na pinaboana i. Diboto halak na paboahon i do na sittong hatana i, jala dipaboa ibana pe i asa dohot do hamu gabe porsea.”—Johannes 19:35.

 Porsea do hita na tutu do sude isi ni bukku Injil na disurat si Mateus, si Markus, si Lukas, dohot si Johannes. Alana tikki disurat nasida i, mangolu dope akka halak na mangida na masa i. Menurut piga-piga sumber, Injil Mateus disurat ualu taon dukkon mate Jesus, i ma hira-hira taon 41 M. Alai adong do akka pakar na mandok Injil Mateus disurat dukkon taon 41 M. Nang pe songon i, godang do sian nasida na setuju molo Akka Bukku Junani Kristen nungnga disurat di abad na parjolo M.

 Godang do halak na mangida tikki mate Jesus dohot tikki dipahehe ibana. Makana boi do dipastihon nasida na sittong do sude na disurat di bukku Injil. Jadi autsugari adong na so pas na disurat di bukku Injil i, boi do langsung dipaboa nasida i. Profesor F. F. Bruce mandok, “Taingot ma, disurat akka apostel do Injil tu akka halak na mangida peristiwa i. Alani i ma nasida dang holan mandok, ‘Nungnga diida hami,’ alai didok nasida do muse, ‘Songon naung diboto hamu.’ (Ulaon ni Apostel 2:22).”