Job 17:1-16
17 “Nungnga suda gogokku, salpu nama ari-arikku.Nungnga dipaima-ima kuburan au.+
2 Dikalilingi akka halak na mangalesengi do au,+Jala hupaida-ida do nasida tikki mangalo.
3 Ale Debata, bahen ma parjanjian tu au.
Ai ise be na olo masijalangan jala mambahen parjanjian tu au?+
4 Dibahen Ho do nasida dang marbisuk,+Alani i ma dang na lao monang nasida mangalo au.
5 Dilehon nasida do artana tu donganna,Hape gellengna dang boi be marnida alani malena.
6 Dibahen Ibana do au gabe sirehe-rehean* ni halak,+Gabe ditijuri nasida ma bohikku.+
7 Gabe rambonon ma matakku alani sitaonokku,+Jala gabe marniang ma sude dagingku.
8 Gabe longang ma halak na tigor marroha mangida i,Jala gabe marsak ma halak na so marsala alani halak na jahat.*
9 Sai diulahon halak na tigor marroha do na sittong,+Jala lam gogo ma halak na so marsala.+
10 Alai ro ma hamu sude, pandokkoni hamu ma hatamuna tu au,Ai huboto do dang adong na marbisuk sian hamu.+
11 Dang leleng be au mangolu,+Nungnga sundat be sakkappu jala dang saut be lomo ni rohakku.+
12 Dibahen nasida do borngin gabe arian,Jala didok nasida do, ‘Satokkin nai torang nama ari,’ hape holan na golap do huida.
13 Satokkin nai nama au paima-imahon, jala Kuburan* nama na gabe jabukku.+Bahenokku nama podomanku di na holom.+
14 Dohonokku ma tu kuburan,+ ‘Ho ma na gabe bapakku!’
Jala tu gilok-gilok, ‘Ho ma na gabe omakku dohot itokku!’
15 Adong dope na boi huharappon?+
Ise ma na boi mandok adong dope na huharappon?
16 Ai na lao turun nama na huharappon i tu Kuburan*Jala rap mulak ma hami tu tano.”+
